प्रवासादरम्यान विमानातील कर्मचाऱ्यांवर हल्ला करून विमानाचा दरवाजा उघडण्याचा प्रयत्न केल्यामुळे एअरलाईन कंपनीने महिला प्रवाशाला 62 लाख रुपये दंड ठोठावला आहे. (women fined for misbehaving in plane)

ही घटना अमेरिकन एअरलाइन्स फ्लाइट 1774 मध्ये घडली. प्रवासादरम्यान, प्रवासी (Passenger) महिलेने केबिन क्रू मेंबर्सना शिवीगाळ करण्यास सुरुवात केली. पुढे विमानाचा दरवाजा उघडण्याचाही आरोप तिच्यावर आहे. महिलेचे हे कृत्य पाहून तिला सीटला बांधून ठेवण्यात आले. काही सहप्रवाशांनी या घटनेचा व्हिडिओ बनवला, त्यानंतर महिलेची चौकशी सुरू झाली. तपासानंतर आता एअरलाइन कंपनीने आरोपी महिलेवर कारवाई केली आहे. तिला $81,950 (62 लाखांपेक्षा जास्त) दंड ठोठावण्यात आला आहे.

nypost.com च्या रिपोर्टनुसार, फेडरल एव्हिएशन अ‍ॅडमिनिस्ट्रेशनने लावलेला हा आतापर्यंतचा सर्वात मोठा दंड आहे. महिलेच्या या कृत्यामुळे विमानाला सुमारे 3 तास उशीर झाल्याचे सांगण्यात आले.

या घटनेबाबत दुसऱ्या एका प्रवाशाने त्याच्या टिकटॉक अकाऊंटवर सांगितले की, ती महिला (Woman) ओरडत होती. मला विमानातून उतरावे लागेल असे ती सांगत होती. ती दार उघडण्याचा प्रयत्नही करत होती. प्रवाशाने महिलेचा एक फोटो देखील शेअर केला आहे.