मॉस्को: रशिया युक्रेनवर जवळपास महिनाभरापासून हल्ला (Russia-Ukraine War) करत आहे. या युद्धाचा परिणाम जगभरात दिसून येत आहे. दरम्यान, एक आश्चर्यकारक माहिती समोर आली आहे. युद्धाच्या काळात रशियामध्ये कंडोमची विक्री अचानक वेगाने वाढली आहे. एका ब्रिटीश वृत्तपत्रानुसार, देशात कंडोमच्या विक्रीत 170 टक्क्यांनी वाढ झाली आहे. अमेरिका (America) आणि पाश्चिमात्य देशांच्या निर्बंधांनंतर रशियाचे लोक बाजारात कंडोम नसल्यामुळे घाबरले आहेत. त्यामुळे साठा खरेदी केला जात आहे.

डेली स्टारच्या वृत्तानुसार, रशियाच्या लोकांना भीती आहे की निर्बंधांचा परिणाम कंडोमच्या किमतीवरही होऊ शकतो. त्यामुळे बाजारात कंडोमचा पुरवठाही कमी होऊ शकतो. जिथे रशियात अनेक कंपन्यांनी आपला व्यवसाय बंद केला आहे. तिथे मेडिकल देखील बंद आहेत. मात्र असे असताना, ब्रिटीश कंडोम निर्माता रेकिटने तेथे आपला व्यवसाय (Business) सुरू ठेवला आहे. रशियन ऑनलाइन रिटेलर वाइल्डबेरीजने ही माहिती दिली आहे.

केमिस्टकडून कंडोमची विक्री 32 टक्क्यांनी वाढली

रशियन फार्मसी चेन 36.6 PJSC ने म्हटले आहे की कंडोमच्या (Condoms) विक्रीत 26 टक्के वाढ झाली आहे. त्याचबरोबर केमिस्टच्या कंडोमच्या विक्रीत गेल्या वर्षीच्या तुलनेत 32 टक्क्यांनी वाढ झाली आहे. रशियन सुपरमार्केटच्या मते, कंडोमच्या विक्रीत 30 टक्के वाढ झाली आहे.

मास्कोमध्ये कंडोमचा स्टॉक गोळा

मॉस्कोमधील प्रौढ स्टोअरची सह-भागीदार येसेनिया शमोनिना यांनी सांगितले की, लोक भविष्याच्या आणि सुरक्षिततेच्या दृष्टाने कंडोम गोळा करत आहेत. देशात कंडोमच्या किमतीही वाढल्या आहेत. पाश्चिमात्य चलनाच्या संदर्भात रशियन रुबल कमकुवत झाला आहे, ज्यामुळे वस्तूंच्या किमती वाढल्या आहेत.