Weight Loss: निरोगी आरोग्य राखण्यासाठी अनेक लोक जंक फूड खाणे टाळतात. निरोगी आरोग्यासाठी नेहमी व्यायाम करावा असे अनेकदा सांगितले जाते. पण एका फिटनेस ट्रेनरचा दावा आहे की त्याने वजन कमी करण्यासाठी डाएटिंग नाही तर चक्क दिवसातुन 3 वेळा रोज पिझ्झा खाल्ला आहे.

तुम्हाला ही गोष्ट वाचायला थोडी विचित्र वाटेल पण ही गोष्ट खरी आहे. फिटनेस ट्रेनरने त्याचे जुने आणि नवीन फोटोही सोशल मिडियावर (Social Media) शेअर केले आहेत. यामध्ये त्याचे वजन कमी झालेले दिसत आहे.

• कोण आहे हा फिटनेस ट्रेनर?

वजन कमी करणाऱ्या फिटनेस ट्रेनरचे नाव रायन मर्सर आहे. रायन मर्सर आयर्लंडला राहतो. 34 वर्षीय रायनने दावा केला की त्याने 30 दिवस फक्त तीन वेळा पिझ्झा खाल्ला आणि वजन कमी केले. रायनने 30 दिवस दररोज पिझ्झाचे 10 स्लाईस खाल्ले आहे.

त्याने पिझ्झा खाऊन सुमारे 3.4 (7.5 LBS) वजन कमी केले आहे. कॅलरी कमी न होता आणि तुमचे आवडते पदार्थ न सोडता वजन कमी करणे शक्य आहे हे लोकांना दाखवण्यासाठी रायनने हे चॅलेन्ज स्वीकारले होते.

रायनने यासाठी आपला डाएट (Diet) खूप चांगल्या पद्धतीने प्लॅन केला होता. ब्रेकफास्ट, लंच आणि डिनरमध्ये फक्त त्याने पिझ्झा खाल्ला आहे. त्याने असे सांगितले की प्रत्येकाचे शरीर सारखे नसते आणि प्रत्येकाच्या शरीराच्या गरजाही वेगळ्या असतात, यामुळे कोणीही माझा डाइट प्लॅन फॉलो करु नका.

रायनने एका मुलाखती दरम्यान सांगितले की, 'जेव्हा फिटनेसच्या गोलचा विचार केला जातो, तेव्हा जानेवारीचा थंडीचा महिना प्रत्येकासाठी खूप कठीण असतो. म्हणून मी माझे फिटनेस गोल पूर्ण करण्यासाठी जानेवारी महिना निवडला होता. मी जानेवारी महिन्यापासून पासून माझा वजन कमी करण्याचा प्रवास सुरू केला.

कॅलरी डेफिसिटी कमी राहण्यासाठी पिझ्झा बाहेरून मागवला नाही तर घरीच तयार केला. कॅलरीची कमतरता असूनही, मी दिवसातून दोन पिझ्झा खाऊ शकत होतो. कॅलरी संतुलित करून, मी पिझ्झाचे 10 स्लाइस खाल्ले पण मी व्यायाम (Yoga) करणे थांबवले नाही आणि फिजिकल अॅक्टिव्ह राहिलो.

रायन पुढे सांगितले, 'पिझ्झा खाणे देखील बजेटमध्ये आहे. पिझ्झाची किंमत दररोज 885.8 रुपये (10 युरो) आणि स्नॅक्सची किंमत दररोज 266 रुपये (3 युरो) होती. पिझ्झा हा माझा आवडता पदार्थ आहे. म्हणून मी तो 30 दिवस मोठ्या आनंदाने खाल्ला, पण मला पिझ्झाचे विविध प्रकार खायला आवडतात.

रायन पुढे म्हणाला, 'मी माझा आहार खूप कॅल्क्युलेशन करुन तयार केला होता. ज्यामुळे मला माझे गोल गाठण्यात मदत मिळाली.मी सोमवार ते शुक्रवार 1800 ते 2100 कॅलरीज आणि शनिवार-रविवार 2700 कॅलरीज आहारात घेत होतो. मी दररोज 140 ग्रॅम प्रथिन्यांचे सेवन करत होतो आणि दररोज फळे आणि भाज्यांचा देखील आहारात समावेश करत होतो