Massive Fight At Chicago Airport: सोशल मीडियावर एक व्हिडिओ प्रचंड व्हायरल होत आहे. हा व्हिडिओ शिकागोच्या ओ'हारे विमानतळावरील आहे. या व्हिडिओमध्ये डझनहून अधिक लोक भांडताना दिसत आहेत. लोक एकमेकांना लाथा-बुक्के मारत आहेत. या मारहाणी प्रकरणी दोघांना अटक करण्यात आली आहे. याबाबत ओ'हरे पोलिसांनी माहिती दिली आहे.
दरम्यान, हाणामारीची घटना सोमवारी घडल्याचे पोलिसांनी सांगितले. एअरपोर्टच्या बॅगेज क्लेम एरियामधून काही गोंधळाचा आवाज ऐकू आला, जिथे लोक एकमेकांना मारहाण करत होते. या भांडणात डझनहून अधिक जण सहभागी झाले होते. यामध्ये अनेक मुलीही (Girls) होत्या. मुली एकमेकींना लाथा-बुक्क्या मारत होत्या.
पोलिसांनी सांगितले की, घटनेदरम्यान दोन मुलांनी एका 24 वर्षीय मुलीला धक्काबुक्की केली. त्यापैकी एकाचे नाव 18 वर्षीय ख्रिस्तोफर हॅम्प्टन असे असून दुसऱ्याचे नाव 20 वर्षीय टेंब्रा हिक्स असे आहे. हॅम्प्टन आणि हिक्स या दोघांना अटक करण्यात आली आहे. दोघांवर चिथावणी दिल्याचा आरोप आहे. हा व्हिडिओ सोशल मीडियावर (Social Media) चांगलाच व्हायरल होत आहे.
त्याचवेळी, शिकागो विमान वाहतूक विभागाने विमानतळावरील हल्ल्याच्या या घटनेबाबत एक निवेदन जारी केले आहे. शिकागो डिपार्टमेंट ऑफ एव्हिएशन (CDA सुरक्षेबाबत कोणत्याही प्रकारची तडजोड करत नाही, असे त्यात नमूद केले आहे. सुरक्षेला नेहमीच सर्वोच्च प्राधान्य दिले जाते. आम्ही O'Hare-Midway International Airport आणि Chicago Police Department सोबत जवळून काम करतो.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.