गिनीज वर्ल्ड रेकॉर्डमध्ये नाव नोंदविण्यासाठी अनेकजण प्रयत्न करत असतात. पण, एका व्यक्तीने चक्क आपल्या दातांच्या जोरावर गिनीज वर्ल्ड रेकॉर्डमध्ये नाव नोंदवले आहे. या व्यक्तीने सोळा हजार किलोचा ट्रक चक्क दातांनी ओढला आहे. यासंबधित गिनीज वर्ल्ड रेकॉर्ड्सने इंस्टाग्रामवर एक व्हिडिओ शेअर केला आहे.

एका व्यक्तीने दातांनी सुमारे 16,000 किलो वजनाचा ट्रक ओढला आणि गिनीज वर्ल्ड रेकॉर्डमध्ये आपले नाव नोंदवले. त्याने झीस ट्रकला दातांनी खेचले, हा ट्रक सर्वात जड ट्रकपैकी एक आहे. अशरफ सुलेमान असे या व्यक्तीचे नाव असून त्याचे कारनामे पाहून अनेकांनी आश्चर्य व्यक्त केले आहे. विशेष म्हणजे अनेकांनी त्याला त्याच्या डेंटिस्टचे नाव विचारले.

इजिप्तमध्ये असलेल्या या व्यक्तीने 15,730 किलो वजनाचा ट्रक दातांनी ओढला आहे, हा व्हिडिओ मोठ्या प्रमाणात व्हायरल होत आहे. अशरफ सुलेमानचे नाव गिनीज वर्ल्ड रेकॉर्डमध्येही नोंद झाली आहे. इजिप्शियन हायवेवर त्याने दातांनी ट्रक ओढण्याचा पराक्रम करून दाखवला आहे.