तालिबानच्या (Taliban) वाढत्या व्यापात अफगाणिस्तानमधील (Afghanistan) परिस्थिती झपाट्याने बिघडत आहे. अफगाणिस्तानात तालिबानचा ताबा झपाट्याने वाढल्याने अमेरिका आता तेथून आपल्या नागरिकांची सुटका करण्यात मग्न आहे. अमेरिकेचे सैन्य (US Military)अफगाणिस्तानमध्ये अडकलेल्या आपल्या दूतावासाचे कर्मचारी आणि इतर नागरिकांना वाचवण्यासाठी राजधानी काबूलला पोहोचले आहे.तालिबानी बंडखोरांनी देशातील दुसरे आणि तिसरे मोठे शहर काबीज केल्याच्या एका दिवसानंतर, एका अमेरिकन अधिकाऱ्याने शनिवारी सांगितले की, दूतावासाचे कर्मचारी आणि इतर नागरिकांना बाहेर काढण्यासाठी मदत करण्यासाठी अमेरिकन सैन्य अफगाणिस्तानच्या राजधानी काबुलमध्ये पोहोचले आहे.(US troops enter Afghanistan for repatriate civilians)

मरीनच्या दोन बटालियन आणि एक पायदळ बटालियन रविवारी संध्याकाळपर्यंत काबूलला पोहोचतील, ज्यात सुमारे 3,000 सैनिकांचा समावेश असेल. अमेरिकेच्या अधिकाऱ्याने सांगितले की ते काबूलला आले आहेत आणि त्यांचे आगमन उद्यापर्यंत सुरू राहील. या भागात आणखी हजारो सैनिक तैनात करण्यात आले आहेत. अमेरिकन अधिकारी आणि कर्मचारी आणि इतर नागरिकांच्या सुरक्षित स्थलांतरणासाठी सैन्याची तात्पुरती तैनाती हे दर्शवते की तालिबान देशाच्या मोठ्या भागावर अधिकाधिक कब्जा करत आहे.

शुक्रवारी तालिबानने अफगाणिस्तानच्या दक्षिणेकडील भागावर जवळजवळ संपूर्ण ताबा घेतला आहे जिथे तालिबानने आणखी चार प्रांतांच्या राजधानींवर ताबा मिळवला. अमेरिकन सैन्याच्या पूर्ण माघारीच्या काही आठवड्यानंतरच तालिबान आता हळूहळू काबूलच्या दिशेने वाटचाल करत आहे. त्याने कंधार, गझनीसह 10 पेक्षा जास्त प्रमुख प्रांतीय राजधानी ताब्यात घेतल्या आहेत.

ब्रिटनचे संरक्षण मंत्री बेन वालेस यांनी सांगितले की, अफगाणिस्तानातून ब्रिटिश नागरिकांना बाहेर काढण्यासाठी सुमारे 600 सैनिक पाठवले जातील.एपी या वृत्तसंस्थेनुसार, कॅनडा काबूलमधून आपले कर्मचारी बाहेर काढण्यासाठी एक विशेष दलही पाठवणार आहे. तर ऑस्ट्रेलियाही असेच पाऊल उचलणार आहे. ऑस्ट्रेलियन सैन्याला मदत करणाऱ्या अफगाणांना बाहेर काढण्यासाठी तो अमेरिकेला मदत करेल.

अफगाणिस्तानला शेवटचा मोठा धक्का हा हेल्मंद प्रांताच्या राजधानीवर नियंत्रण गमावण्याच्या स्वरूपात आला आहे जिथे अमेरिका, ब्रिटिश आणि इतर आघाडीच्या नाटो सहयोगींनी गेल्या दोन दशकांमध्ये भीषण लढाया लढल्या आहेत. प्रांतात तालिबानचा नाश करण्याच्या प्रयत्नांमध्ये संघर्ष दरम्यान शेकडो पाश्चात्य सैनिक मारले गेले. त्याचा उद्देश केंद्र सरकार आणि अफगाणिस्तानच्या सैन्याला नियंत्रणाची उत्तम संधी देण्याचा होता.