Shortage Of Tomato: पाकिस्तानमध्ये सध्या आर्थिक संकटामुळे अनेक जीवनावश्यक वस्तूंचा तुटवडा पडला आहे. मात्र असाही एक देश आहे जिथे टमाटरचा तुटवडा निर्माण झाला आहे.

सध्या ब्रिटनमध्ये टमाटर संपल्याच्या बातम्या समोर येत आहेत. सुपर मार्केटमध्ये टमाटरचे रॅक रिकामे असल्याचे अनेक फोटो व्हायरल होत आहेत. लोक अशा रिकाम्या रॅकचे फोटो सोशल मिडियावर पोस्ट करुन आम्हाला टमाटर कधी मिळणार असे प्रश्न शासनाला विचारत आहेत.

दरम्यान,मोरोक्को आणि स्पेनकडून ब्रिटनला टमाटरची निर्यात होते. मात्र गेल्या चार आठवड्यापासून मोठा पाऊस पडत आहे.

ब्रिटनला टमाटरचा पुरवठा होऊ शकला नाही. कडाक्याच्या थंडीचादेखील मोरोक्कोला सामना करावा लागत आहे. त्यामुळे इतर भाज्या आणि फळेदेखील ब्रिटन( Britain )ला मिळू शकत नसल्याने ब्रिटनच्या नागरिकांना भाजीपाल्याचा तुटवड्याचा सामना करावा लागत आहे. मिळालेल्या माहितीनुसार, शेतकऱ्यांबरोबर बोलून ही समस्या सोडवण्यासाठी शासन प्रयत्न करत आहे.