Afghanistan News: पूर्व अफगाणिस्तानच्या पक्तिका प्रांतात बंदी घातलेल्या तहरीक-ए-तालिबान पाकिस्तानचा (TTP) प्रमुख कमांडर उमर खालिद खोरासानी आणि इतर तीन प्रमुख दहशतवादी एका स्फोटात ठार झाले. सोमवारी पाकिस्तानी प्रसारमाध्यमांनी दिलेल्या बातमीत ही माहिती देण्यात आली.

दरम्यान, एक्सप्रेस ट्रिब्यून वृत्तपत्राने वृत्त दिले आहे की, अफगाण अधिकारी आणि स्थानिक सूत्रांनी दिलेल्या माहितीनुसार, खोरासानीसह दहशतवादी (Terrorist) संघटनेच्या वरिष्ठ कमांडरांना घेऊन जाणाऱ्या एका वाहनाला रविवारी लक्ष्य करण्यात आले.

दुसरीकडे, शीर्ष अतिरेकी पक्तिका प्रांतातील बिरमल जिल्ह्यात एका बैठकीसाठी जात असताना त्यांच्या वाहनाला भूसुरुंगाने उडवून दिले. वृत्तपत्राने एका वरिष्ठ अफगाण अधिकाऱ्याच्या हवाल्याने म्हटले आहे की, वाहनातील सर्व जण या स्फोटात ठार झाले आहेत. यामध्ये अब्दुल वली मोहमंद, मुफ्ती हसन आणि हाफीज दौलत खान या TTP कमांडरचा समावेश आहे, असे पेपरने म्हटले आहे.

स्थानिक सूत्रांनी दिलेल्या माहितीनुसार, बैठकीसाठी जात असताना रविवारी TTP नेत्यांचे वाहन भूसुरुंगाखाली आले. टीटीपी या दहशतवादी संघटनेला संपूर्ण पाकिस्तानात (Pakistan) शरिया कायदा लागू करायचा आहे. खोरासानी यांच्यावर एक कोटी रुपयांचे बक्षीस होते.