अंदमान सागरामध्ये (Andaman Sea) बुधवारी भारत (India) आणि थायलंड(Thailand) नौदलाने (Navy) तीन दिवसांची संयुक्त गस्त मोहीम सुरु केली आहे. दुसरीकडे हिंदी महासागरामध्ये(Indian Ocean) चीनने (China) सागरी अस्तित्व वाढवल्याने दोन्ही देशांनी ही मोहीम हाती घेतली आहे.

भारतीय नौदलाची(Indian Navy) 'आयएनएस शरयू' (INS Sharu) 'आणि थायलंडचे 'कॅब्री' (Cabri) हे जहाजे या मोहिमेमध्ये सहभागी असून दोन्ही नौदलांनी डार्नियर गस्त विमानांचाही (Darnier aircraft) वापर या मोहीमेमध्ये करण्यात आला आहे. आत्तापर्यंतची भारत आणि थायलंड यांच्यातील 31 वी संयुक्त गस्त मोहीम असून दोन्ही देशांची नौदले दर दोन वर्षांनी संयुक्त कवायती करीत असतात. या कवायतींचा प्रस्ताव 2005 पासून मांडला गेला नंतर त्याची अंमलबजावणी करण्यात आली. हिंदी महासागमध्ये सुरु असलेल्या कवायती हा त्याचाच भाग असल्याचे भारतीय नौदलाचे कमांडर विवेक मधवाल (Vivek Madhawal) यांनी सांगितले आहे. (A three day joint patrol between India and Thailand)

भारतीय सीमेवर चीनचा युध्दसराव; प्रत्येक हालचालीवर करडी नजर

दोन्ही देशांच्या नौदलादरम्यान 'कोरपॅट' (Corpat) नावाने या कवायती प्रसिध्द आहेत. सागरी क्षेत्रातील अमली पदार्थ, अवैध मासेमारी, सागरी दहशतवाद, सशस्त्र दरोडे आणि चाचेगिरी आटोक्यात आणण्यासाठी त्याची गरज असते, असे त्यांनी यावेळी म्हटले आहे. या कवायतीमुळे दोन्ही देशांमध्ये माहीतीचे देवाणघेवाण होते. तस्करी रोखण्यासाठी हे अगदी महत्त्वाचे आहे. तसेच अवैध स्थलांतरालाही आळा बसतो. या कवायतींमध्ये हिंदी महासागरातील प्रादेशिक सागरी संरक्षण हे महत्त्वाचे आहे.

भारत आणि थायलंड यांच्यात 31 व्या कोरपॅट कवायती होत असून थायलंड नौदलाशी सहकार्य वाढणार आहे, असे मधवाल यांनी सांगितले आहे. हिंदी महासागरात भारतीय नौदल काही वर्षात अस्तित्व वाढवत असून कोरोना महामारीमुळे त्यामध्ये अडथळे येऊ न देता मागील महिन्यात अनेक देशांबरोबर नौदल सराव करण्यात आले आहेत.