नेहमी सुटा-बुटात आणि बिझनेस मॅगझिनच्या पेजवर झळकणारा, जगप्रसिद्ध उद्दयोजक इलॉन मस्कचा शर्टलेस (Elon Musk Goes Shirtless) लूक सध्या सोशल मिडियावर चांगलाच व्हायरल होत आहे. इलॉन मस्क सध्या ग्रीसमध्ये (Greece) असून, आपल्या मित्रांसोबत सुट्टीचा आनंद घेत आहेत. प्रसिद्धीझोतात आल्यापासून पहिल्यांदाच मस्क यांचा असा हटके अंदाज समोर आल्याने नेटकरी त्यावर मजेशीर प्रतिक्रिया देत आहेत.

अब्जाधीश असलेले मस्क ग्रीस मधील मायकोनोस येथे एका यॉचवरती (yatch) सनबाथ घेताना शर्टलेस दिसून आले. यापूर्वी मस्क अशा अवतारात कधीच दिसले नसल्याने नेटकरी फोटो शेअर करत, मजेशीर कमेंट करत आहेत. तब्बल 20,000 डॉलर एका आठवड्याला असे या चार्टर यॉचचे दर आहेत. यामध्ये तीन केबिन असून सहा लोक बसू शकतात तसेच, त्यांना सेवा देण्यासाठी एक व्यावसायिक क्रू उपलब्ध आहे. अशी माहिती पेज सिक्सने प्रसिद्ध केली आहे.

टेस्ला, स्पेस एक्स (Tesla, SpaceX) सारख्या जगविख्यात कंपनी आणि नाविण्यपूर्ण स्टार्टअपची निर्माती इलॉन मस्क यांनी केली आहे. तरूणवर्गात त्यांची मोठी क्रेझ आहे. ट्विटर (Twitter) देखील मस्क यांनी तब्बल 44 बिलियन डॉलरची बोली लावून खरेदी केले मात्र, दोनच दिवसांपूर्वी त्यांनी ट्विटर खरेदीची बोली मागे घेत असल्याचे जाहीर करून सर्वांना धक्का दिला. ट्विटरच्या मुळ मालकाने याबाबत न्यायालयीन लढा देणार आसल्याचे सांगितले आहे.