America Crime News: अमेरिकेत गोळीबाराच्या घटना थांबायचं नाव घेत नाहीयेत. अमेरिकेतील पोलिस गुन्हेगारांवर कारवाई करण्यात अपयशी ठरत आहेत. त्यामुळे अमेरिकन शहरे, शाळा, बाजारपेठ, पब, बार आणि रेस्टॉरंटमध्ये दररोज गोळीबाराच्या घटना सातत्याने पाहायला मिळत आहेत. त्यामुळे अमेरिकन लोकांमध्ये घबराटीचे वातावरण आहे. अमेरिकेच्या हायटेक पोलिसांसमोर गुन्हेगार सातत्याने आव्हान उभे करत आहेत. अशा गुन्हेगारी घटनांना आळा घालणे देखील अमेरिकन पोलिसांसाठी आव्हान बनले आहे. ताज्या घटनेत लॉस एंजेलिसमध्ये चार जणांची गोळ्या झाडून हत्या करण्यात आल्याने घबराट पसरली आहे.

दरम्यान, लॉस एंजेलिसमध्ये शनिवारी गोळीबाराची घटना घडली. यामध्ये चार जणांचा मृत्यू झाला. मात्र, ही हत्या नसून आत्महत्येचे प्रकरण असल्याचे पोलिसांनी सांगितले आहे. लॉस एंजेलिस पोलिस विभागाने सोशल मीडियावर एक पोस्ट शेअर करत सांगितले की, लेर्डो अव्हेन्यूच्या 11600 ब्लॉकमध्ये गोळीबार झाल्याची माहिती मिळताच पोलिस संध्याकाळी 7 वाजण्याच्या सुमारास घटनास्थळी पोहोचले. मात्र यादरम्यान 4 जणांचा मृत्यू झाला होता. संपूर्ण परिसरात लोकांमध्ये घबराटीते वातावरण होते.

लॉस एंजेलिस पोलिसांनी सांगितले की, घटनास्थळी चार जणांना मृत घोषित करण्यात आले. दरम्यान, मृतांबाबत अद्याप कोणतीही माहिती उपलब्ध झालेली नाही. तसेच, गोळीबार का झाला हे देखील सांगण्यात आलेले नाही. पोलीस हल्लेखोरांचा शोध घेण्यात व्यस्त आहेत.