तालिबानचा (Taliban) सह-संस्थापक मुल्ला बरदार (Mullah ghani baradar) हा अतिरेकी संघटनांचे कमांडर, माजी सरकारी नेते आणि धर्म प्रमुखांशी चर्चा करण्यासाठी अफगाणिस्तानची राजधानी काबूलमध्ये पोहोचला आहे. अशी माहिती इस्लामवादी गटाच्या एका अधिकाऱ्याने शनिवारी माध्यमांना दिली आहे.

नाटोच्या एका अधिकाऱ्याने सांगितले की, तालिबानी बंडखोरांनी राजधानीत प्रवेश केल्यापासून दूतावास आणि आंतरराष्ट्रीय मदत गटांसाठी काम करणाऱ्या सुमारे 12,000 परदेशी आणि अफगाण नागरिकांना काबूल विमानतळावरून बाहेर काढण्यात आले आहे.

नाटोच्या अधिकाऱ्याने नाव न छापण्याच्या अटीवर माध्यमांना सांगितले की, "एअरलिफ्ट करण्याची प्रक्रिया धोक्याची असुन आहे, आम्ही एअरलिफ्टच्या ऑपरेशनमध्ये आरोप प्रत्यारोपांचा खेळ करु इच्छित नाही."

तालिबान्यांनी गेल्या रविवारी राजधानी काबूलमध्ये शस्त्र न चालवता काबुलवर कब्जा केला. मात्र तालिबानी अधिकाऱ्याने नाव न छापण्याच्या अटीवर सांगितले की, "आम्ही नागरिकांवर अत्याचार आणि गुन्ह्यांची काही प्रकरणे ऐकली आहेत."

"जर तालिबान सदस्य कायदा आणि सुव्यवस्थेत बाधा निर्माण करत असतील तर त्यांची चौकशी केली जाईल, तसेच ते म्हणाले, "आम्ही घाबरणे, तणाव आणि चिंता समजू शकतो. लोकांना वाटते की, आम्ही जबाबदारी घेणार नाही, परंतु तसे होणार नाही."