अमेरिकेने (America) अखेर दोन दशकांनंतर अफगाणिस्तानमधील (Afghanistan) आपले मिशन संपवले आहे. परंतु परदेशी सैन्यांना मदत करणारे लोक तालिबानच्या (Taliban) राजवटीमध्ये मागे राहिले आहेत. ते एका कठीण काळाला सामोरे जात आहेत. तालिबानी बंडखोर घरोघरी जाऊन अमेरिकन आणि त्याच्या सहयोगी दलांना (US and Allied Forces) मदत करणाऱ्या लोकांचा शोध घेत आहेत. तालिबानी बंडखोर (Taliban insurgents) अशा लोकांच्या घराबाहेर पत्र किंवा नोटीस लावत आहेत, 'आत्मसमर्पण करा किंवा मरा' असा इशारा देत आहेत.

डेली मेलच्या अहवालानुसार, दारावरील नोटीसमध्ये लोकांना तालिबानने बोलावलेल्या न्यायालयात जाण्यास सांगितले आहे, जेणेकरुन त्यांना शिक्षा होऊ शकेल. न्यायालयात हजर न झाल्यास फाशीची शिक्षा दिली जाईल, असाही इशारा या नोटीसमध्ये देण्यात आला आहे. डेली मेलने अशा अनेक लोकांशी संवाद साधला ज्यांना अशा नोटिसा तालिबानने पाठविल्या आहेत. हेलमंड प्रांतात ब्रिटिश लष्कराला रस्ते बांधण्यास मदत करणाऱ्या एका बांधकाम कंपनीच्या मालकाने सांगितले की, तो लपून बसला आहे कारण त्याला मृत्यूची होती. एका 34 वर्षीय व्यक्तीने असेही सांगितले की, त्याच्या घराबाहेर जी नोटीस लावण्यात आली होती त्यावर तालिबानचा शिक्काही होता.

तालिबानच्या शासन शैलीत कोणताही बदल झालेला नाही

20 वर्षांपूर्वी अफगाणिस्तानमध्ये सत्तेत असताना तालिबानने अफगाणिस्तानमधील गावांमध्ये अशा सूचनांचा वापर केला होता. त्यांच्या माध्यमातून धमक्या दिल्या जात होत्या. परंतु यावेळी, या नोटिसा आता शहरांमध्येही लावल्या जात आहेत. यामधून हे दर्शवते की, तालिबानी नेत्यांनी या गटाला माध्यम म्हणून चित्रित केले असले तरी, बंडखोरांच्या गटाची शासन शैली बदलेली आहे. त्याच वेळी, अमेरिकेने सोमवारी आपली अमेरिकन मोहीम संपवली आहे. त्यानंतर तालिबान्यांनी विजय घोषित केला असून यावेळी तालिबानी दहशतवादी आनंदउत्सव साजरा करताना दिसले.