Tajikistan Earthquake: तुर्की-सिरिया झालेल्या भूकंपामुळे मोठी जीवीत आणि वित्तहाणी झाली आहे. ही घटना ताजी असतांना जगभरात भूकंपाचे धक्के बसत असल्याने चिंता वाढली आहे. अशाच एका भूकंपाच्या धक्याने ताजिकिस्तान हादरले आहे. आज सकाळी 4 च्या सुमारास हे धक्के जाणवले आहे. 4.3 रिश्टर स्केल एवढी तीव्रता भूकंपमापकावर नोंदवण्यात आली आहे.

ताजिकिस्तानमध्ये मंगळवारी सकाळी भूकंपाचे धक्के जाणावले. 4.3 रिश्टर स्केल एवढी तीव्रता या भूकंपाची होती. सुदैवाने या घटनेत जिवीत आणि वित्त हाणी झाल्याची माहिती नाही. ताजिकिस्तानबरोबरच अफगाणिस्तानमध्येही भूकंपाचे धक्के बसले.

भूंकपाचा केंद्रबिंदु ताजिकिस्तान-अफगाणिस्तान सीमेजवळ आहे. गेल्या आठवड्यातही ताजिकिस्तानमध्ये भूकंपाचे धक्के जाणवले होते. या भूकंपाची तीव्रता 6.8 रिश्टर स्केल इतकी होती. या भूकंपाच्या काही तासानंतरच चीन-ताजिकिस्तानच्या सीमेजवळ असणाऱ्या झिजियांग प्रांतातही भूकंपाचा धक्का बसला होता.

तुर्की आणि सीरियामध्ये झालेल्या विनाशकारी भूकंपामुळे मोठी हानी झाली आहे. या भूकंपामुळे दोन्ही देशांमध्ये 50 हजारांहून अधिक लोकांना आपला जीव गमवावा लागला आहे. तर, 80 हजारांहून अधिक लोक जखमी झाले. हजारो घरे उद्ध्वस्त झाली आहेत. दोन्ही देशांचे अब्जावधी डॉलर्सचे नुकसान झाले आहे.