China-Taiwan Tension: तैवानचा चीनसोबतचा तणाव अद्यापही कायम आहे. चीन सातत्याने लष्करी युध्दाअभ्यास करत आहे. ताज्या घडामोडींमुळे भारतही चिंतेत आहे. परराष्ट्र मंत्रालयाचे प्रवक्ते अरिंदम बागची 12 ऑगस्ट रोजी म्हणाले, 'भारताने तैवानच्या जलक्षेत्रातील स्थिती बदलण्यासाठी एकतर्फी कारवाई करण्यापासून परावृत्त केले पाहिजे'. त्याच वेळी, प्रदेशात शांतता आणि स्थिरता राखण्यासाठी प्रयत्न केले पाहिजेत. या प्रतिसादाबद्दल तैवानने भारताचे आभार मानले आहेत. तैवानने रविवारी (14 ऑगस्ट) सांगितले की, 'आम्ही भारतासह सर्व समविचारी देशांशी समन्वय राखून स्वसंरक्षण क्षमता वाढवत आहोत. त्याचबरोबर संयुक्तपणे नियमांवर आधारित आंतरराष्ट्रीय सुव्यवस्था आणि सुरक्षेचे संरक्षण केले जाईल.'

दरम्यान, तैवानने (Taiwan) म्हटले की, 'आम्हाला जगभरातील देशांशी मैत्रीपूर्ण संबंध ठेवायचे आहेत.' त्यात पुढे म्हटले आहे की, 'अलीकडच्या काळात चीन (China) सातत्याने तैवानला डिवचण्यासाठी लष्करी युध्दाअभ्यास करत आहे. जाणूनबुजून तणाव निर्माण करण्याचा प्रयत्न चीन करत आहे.'

भारतासह या देशांनी तैवानला पाठिंबा दिला आहे

तैवान सरकार युनायटेड स्टेट्स, जपान (Japan) आणि भारतासह इतर सर्व समविचारी देशांशी संवाद आणि समन्वय राखत आहे. त्याचबरोबर संयुक्तपणे नियम-आधारित आंतरराष्ट्रीय सुव्यवस्था राखण्यासाठी आणि सुरक्षिततेचे रक्षण करुन स्व-संरक्षण क्षमता वाढवत राहील.

चीनने तैवानबाबतच्या दाव्याचा पुनरुच्चार केला

या आठवड्याच्या सुरुवातीला, चीनने तैवानवर पुन्हा एकदा दावा केला. त्याचबरोबर चीनने एक श्वेतपत्रिकाही जारी केली आहे. ज्यामध्ये चीनी सरकारने तैवान हा चीनचा अविभाज्य भाग असल्याचा पुनरुच्चार केला आहे.

चीनच्या राज्य माध्यमांनी म्हटले आहे की, श्वेतपत्रिका राष्ट्रीय पुनर्मिलनासाठी देशाचा संकल्प दर्शवते. श्वेतपत्रिकेत म्हटले आहे की, चीनी कम्युनिस्ट पक्ष (CCP) तैवान समस्येचे निराकरण करण्याच्या ऐतिहासिक मिशनसाठी वचनबद्ध आहे.

चीन-तैवान तणाव का वाढला ते जाणून घ्या

यूएस हाऊस स्पीकर नॅन्सी पेलोसी (Nancy Pelosi) यांनी अलीकडेच तैवानला भेट दिली होती. तेव्हापासून चीन आणि अमेरिका यांच्यातील संबंधात तणाव वाढला. चीनने अमेरिकेवर आंतरराष्ट्रीय कराराचे उल्लंघन केल्याचा आरोप केला आहे. यासोबतच नॅन्सी पेलोसीवरही बंदी घालण्यात आली. अमेरिकन अध्यक्षांच्या भेटीपासून चीन तैवानजवळ सतत लष्करी सराव करत आहे.