वॉशिंग्टन: पॅसिफिक महासागरात नुकत्याच झालेल्या 7.7 तीव्रतेच्या भूकंपानंतर मंगळवारी आणखी एक तीव्र भूकंपाचा झटका जाणवला. दक्षिण प्रशांत महासागरातील वानुआटु बेटावर 6.2 तीव्रतेचा हादरा बसला आहे. अमेरिकन भूगर्भीय सर्वेक्षण (यूएससीएस) ने ही माहिती दिली आहे. भूकंपात कोणतीही जीवित हानी झाली नाही. तसेच त्सुनामीच्या धोक्याची कोणतीही बातमी मिळाली नाही. प्रशांत महासागराच्या भूकंपाचे केंद्रबिंदू वानुआटुचा शेफा प्रांत असल्याचे म्हटले जाते.

यूएस भूगर्भीय सर्वेक्षणानुसार भूकंप जमीनीपासून 14 किलोमीटर खाली जाणवला आहे. भूकंपाच्या तीव्रतेबद्दल अजूनही काही शंका व्यक्त केली जात आहेत. असे मानले जाते की इतर एजन्सीशी सोबत केलेल्या बातचिती नंतर यामध्ये संशोधन केले जाऊ शकते.

मंगळवारी सकाळी सातच्या वाजताच्या सुमारास भूकंपाचे तीव्र धक्के जाणवले ज्यांची तीव्रता 5.1 नोंदविली जात आहे. हा भूकंप जमिनीपासून 16 किलोमीटर खाली झाला होता. मिळालेल्या माहितीनुसार, या भूकंपामुळे जीवितहानीचे कोणतेही नुकसान झाले नाही. मागील आठवड्यात दक्षिण प्रशांत महासागरात 7.7 तीव्रतेचा भूकंप झाला होता. यामुळे एक लहान त्सुनामीही तयार झाली होती. भूकंप इतका जोरदार होता की त्याचे झटके न्यूझीलंडमध्येही जाणवले होते.

माध्यमांच्या माहितीनुसार वानुआटुलामध्ये बर्‍याच काळानंतर इतका जोरदार धक्का बसला आहे. “गेल्या काही वर्षांत असा तीव्र धक्का कधीच बसला नव्हता. अजूनही माझा जीव या धक्क्यात आहे. खूप मोठा भूकंप,” असे ट्विट तेथिल स्थानिक पत्रकार डैन मैक्गेरी यांनी  केले आहे. चांगली गोष्ट म्हणजे या भूकंपामुळे किनारपट्टीच्या देशात त्सुनामीचा धोका निर्माण झाला नाही. याआधीही दोन तीव्र भूकंपाचे धक्के जाणवले होते. मात्र, 5..5 आणि 7.7 तीव्रतेच्या भूकंपामुळे कोणतीही हानी झालेली नाही.