Saudi Arabia: अभिव्यक्ती स्वातंत्र्याबाबत जगभरातून अनेक प्रकरणे समोर येत आहेत. विशेषत: सौदी अरेबियातून सातत्याने अशा घटना समोर येत आहेत, ज्यात अभिव्यक्तीच्या बदल्यात सरकार आणि न्यायव्यवस्था स्वत: शिक्षा देत आहेत. सोशल मीडियाचा वापर केल्याप्रकरणी एका महिलेला 45 वर्षांची शिक्षा सुनावण्यात आली आहे.

खरे तर, सौदी अरेबियातील (Saudi Arabia) या महिलेचे नाव नूरा आहे. मीडिया रिपोर्ट्सनुसार, महिलेला फक्त एका ट्विटसाठी 45 वर्षांची शिक्षा सुनावण्यात आली. सौदी अरेबियाच्या सामाजिक जडणघडणीसाठी इंटरनेटचा वापर केल्याचा आरोप महिलेवर आहे. सौदी अरेबियातील न्यायालयाने ही शिक्षा सुनावली आहे.

मिळालेल्या माहितीनुसार, नूरावर सायबर क्राइम विरोधी कायद्याअंतर्गत ही कारवाई करण्यात आली आहे. ट्विटरवर नूराचे अकाऊंट फारसे सक्रिय नसले तरी तिच्या ट्विटमुळे तिला जुलै 2021 मध्ये अटक करण्यात आली. आता विशेष न्यायालयात (Court) याच गुन्ह्यासाठी तिला दोषी ठरवण्यात आले आहे. या प्रकरणात नूराला 45 वर्षांची शिक्षा झाली होती.

दुसरीकडे, या महिन्यात सौदी अरेबियातून अशा प्रकारची ही दुसरी घटना आहे. याआधी सौदी अरेबियातील एका महिलेला (Woman) ट्विटर वापरल्याबद्दल 34 वर्षांची शिक्षा सुनावण्यात आली होती. लीड्स विद्यापीठात शिकणारा एक सौदी विद्यार्थी (Students) सुट्टीवर घरी आला होता. त्यानंतर त्याला 34 वर्षांच्या तुरुंगवासाची शिक्षा झाली होती. त्याच्यावर ट्विटरवर अकाऊंट असल्याचा आरोप करण्यात आला होता. त्याने काही यूजर्संना फॉलो करुन त्यांचे ट्विट रिट्विट केले होते.