सध्या प्रत्येकाची ऑफिस लाइफ बिझी झाली आहे. कमावर जाणारा पुरूष असो वा स्त्री आपल्या खाजगी आयुष्यात एकमेकांना हवा तसा वेळ देवू शकत नाही. त्यामुळे प्रत्येकजण आठवडाभर सुट्टीचीची वाट बघत असतो. त्यातही सुट्टीच्या दिवशी एखादं काम निघालं तर सुट्टी इन्जॉय करण्याच्या प्लॅनवर पाणी फेरल्या जाते. आणि पुन्हा आठवडाभर सुट्टीची वाट पाहावी लागते.

ऑफिसमध्ये जाणारा प्रत्येक व्यक्ती सुट्ट्यांचा आनंद घेण्याची व्यवस्थित प्लॅनिंग करत असतो. पण जगात एक असाही देश आहे जिथे ऑफिसमधल्या कर्मचाऱ्यांना आपल्या पत्नीसोबत एकत्र वेळ घालवण्यासाठी सुट्टी (Romance leave) दिली जाते. तुम्हाला हे वाचून विश्वास बसणार नाही. पण हे सत्य आहे. कमी लोकसंख्येमुळे जपानी सरकार अडचणीत आले आहे.

जपान सरकारने ऑफिसमध्ये काम करणाऱ्या जोडप्यांना 10 दिवसांची प्रजनन रजा देण्याची योजना आखली आहे. जेणेकरून या कामगारांचा पगार कापला जाणार नाही. या खास सुट्टीची ऑफर जपानमधील कर्मचाऱ्यांना देण्यात आली आहे. जपान देशाची लोकसंख्येच्या कमी असल्याने हो देश संकटातून जात आहे.

जपानची लोकसंख्या 126 दशलक्षांपेक्षाही कमी आहे. आणि जपानचा प्रजनन दर सुमारे 1.4% आहे. म्हणून जपान सरकारने देशातील जोडप्यांना कुटुंब वाढवण्याचे आवाहन केले आहे. म्हणून देशाची लोकसंख्या वाढवण्यासाठी जपान सरकार कार्यालयातील कर्मचाऱ्यांना प्रजननासाठी सुट्टी देत आहेत.

काय आहे योजनेचे स्वरूप?

जपानच्या सर्व कार्यालयांमधील जोडप्यांना ही रजा देण्यात येणार आहे. या देशातील कर्मचारी वर्षाला 10 सुट्ट्या या कारणासाठी घेऊ शकतात. या सुट्ट्यामध्ये कर्मचाऱ्यांना पगाराचं टेंशन न घेता आपल्या पार्टनरसोबत रोमान्स करता येणार आहे. आणि आश्चर्याची गोष्ट म्हणजे या सुट्यांमध्ये त्याचा पगार कापला जाणार नाही.

जपानमधील वृद्ध लोकसंख्येचा दर तरुण लोकसंख्येपेक्षा खूप जास्त आहे. जर हे चक्र असेच चालू राहिले तर 2040 पर्यंत जपानच्या एकूण लोकसंख्येच्या 5% लोक वृद्ध असतील. जपानने तांत्रिकदृष्ट्या खूप प्रगती केली आहे परंतु कमी लोकसंख्येमुळे भविष्यात या देशाला अनेक संकटांना तोंड द्यावं लागू शकतं.

देशातील तरुण जोडप्यांना अधिक मुले जन्माला घालण्यासाठी सरकार आग्रह करत आहे. आणि देशाची लोकसंख्यां वाढावी म्हणूनच जपान सरकारला ही योजना कर्मचाऱ्यांसाठी आणावी लागली आहे.