Solomon Islands Dainik Gomantak
ग्लोबल

सोलोमन बेटांवर आंदोलकांनी संसद उडवली, 36 तासांचा लॉकडाऊन लागू!

विकासाच्या शर्यतीत मागे राहिल्याबद्दल मलाटा येथील जनतेनेही नाराजी व्यक्त केली.

दैनिक गोमन्तक

पॅसिफिक महासागरातील सोलोमन बेटांवर (Solomon Islands) आंदोलकांनी बुधवारी संसदेची इमारत आणि पोलिस स्टेशनला आग लावली. हे आंदोलक पंतप्रधानांना हटवण्याची मागणी करत होते. प्रचंड हिंसाचार आणि लूटमार पाहता पोलिसांना अश्रुअनावर आणि रबर बुलेटचा वापर करावा लागला. त्याचवेळी, परिस्थिती नियंत्रणात आणण्यासाठी राजधानी होनियाराला 36 तासांसाठी लॉकडाऊन करण्यात आले आहे. आंदोलकांनी अनेक दुकाने लुटली असून, त्यामुळे देशात प्रचंड तणावाचे वातावरण आहे. पंतप्रधान मनसेह सोगवारे यांनी बुधवारी राष्ट्राला संबोधित करताना राजधानीत लॉकडाऊनची घोषणा केली. या द्वीपसमूहातील सर्वाधिक लोकसंख्या असलेल्या मलाताच्या लोकांनी राजधानी गाठून अनेक देशांतर्गत मुद्द्यांवर आपला संताप व्यक्त केल्याचे सांगितले जात आहे. विकासाच्या शर्यतीत मागे राहिल्याबद्दल मलाटा येथील जनतेनेही नाराजी व्यक्त केली. अलीकडच्या काळात हा देश चीनच्याही जवळ आला आहे.

सॉलोमन बेटांनी 2019 मध्ये तैवानशी (Taiwan) संबंध तोडले आणि चीनशी (China) संबंध औपचारिक केले. तेव्हापासून तो खूप दबावाचा सामना करत आहे. पंतप्रधान सोगवारे (Manasseh Sogaware) म्हणाले की, आपल्या देशाने आणखी एक दुःखद आणि दुर्दैवी घटना पाहिली आहे, ज्यामध्ये लोकशाही पद्धतीने निवडून आलेले सरकार पाडण्याचा प्रयत्न करण्यात आला आहे. पीएम सोगवारे म्हणाले की मला वाटले की इतिहासातील सर्वात वाईट दिवस निघून गेले आहेत परंतु आजची घटना ही आठवण करून देणारी आहे की आपल्याला अजून बराच पल्ला गाठायचा आहे. हा लॉकडाऊन शुक्रवारी सकाळी 7 वाजेपर्यंत राहणार असल्याचे त्यांनी सांगितले.

यादरम्यान हिंसाचार करणाऱ्यांचा शोध घेतला जाईल आणि भविष्यात असे प्रकार घडू नयेत यासाठी प्रयत्न केले जातील, असे सांगण्यात येत आहे. एका चिनी व्यक्तीचे दुकानही लुटण्यात आल्याचे सांगण्यात आले आहे. रॉयल सोलोमन आयलंड पोलिस फोर्स (RSIPF) ने होनियाराभोवती शाळा आणि दुकाने चालवणाऱ्या लोकांना बाहेरील हिंसा टाळण्यासाठी घरातच राहण्याचे आवाहन केले आहे. आरएसआयपीएफ उपायुक्त जुआनिता मातंगा यांनी एका निवेदनात म्हटले आहे की, "लॉकडाऊननंतर आमचे रस्ते, शाळा आणि व्यवसाय ताबडतोब पुन्हा सुरू होतील याची आम्ही खात्री करू इच्छितो."

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

रावळपिंडी एक्सप्रेसचं स्लिप ऑफ टंग! अख्तरच्या तोंडून अभिषेक शर्माऐवजी अभिषेक बच्चनचं नाव, त्याने पोस्ट करत दिली प्रतिक्रिया Watch Video

Shehbaz Sharif Video: 'पाकिस्तान दहशतवाद कधी थांबवणार?' रिपोर्टरच्या थेट प्रश्नावर काय म्हणाले शाहबाज शरीफ? शाब्दिक चकमकीचा व्हिडिओ व्हायरल

43.20 कोटींच्या कोकेन प्रकरणात आरोपीला सशर्त जामीन मंजूर; दक्षिण गोवा जिल्हा सत्र न्यायालयाचा मंगेश वाडेकरला दिलासा

Goa Crime: 17 वर्षीय मुलीला पळवून नेऊन केला लैंगिक अत्याचार, डिचोलीतील घटनेनं खळबळ; कणकवलीच्या तरुणाला अटक

Makharotsav: ..उत्सवमूर्ती जिवंत झाल्याचा आभास देणारा 'मखरोत्सव', गोव्यातील लोकसंस्कृतीचे दर्शन

SCROLL FOR NEXT