कोविड-19 साथीच्या दरम्यान लस तंत्रज्ञानात अनेक देशांनी उल्लेखनीय कामगिरी केली. या काळात कोरोनाव्हायरसने डिजिटल आरोग्यसेवेचे महत्त्वही अधोरेखित केले. वैद्यकीय माहितीची देवाणघेवाण करणे हे रुग्णांना चांंगला उपचार देण्यास मदत करू शकते. परिणामी डिजिटलायझेशन आणि डेटा शेयरिंग हे आता सार्वजनिक आरोग्य सेवा प्रणालींसाठी महत्वाची साधने असल्याचे अभ्यासकांचे मत आहे. (Portugal leading in digital healthcare system)

डिजिटल हेल्थकेअर युगाची पहाट

युरोपियन युनियनने (EU) आरोग्यसेवेतील डिजिटलायझेशनला आपल्या सर्वोच्च प्राधान्यांपैकी एक बनवले आहे. युरोपियन युनियनने नुकतेच युरोपियन हेल्थ डेटा स्पेस लाँच केले आहे. आगामी काळात याची अंमलबजावणी केली जाईल. यामुळे रुग्णाची आरोग्य माहिती मिळण्यास मदत होईल. आरोग्य माहितीची देवाणघेवाण विद्यमान राष्ट्रीय आणि युरोपियन कायद्याद्वारे नियंत्रित केली जाते.

युरोपियन हेल्थ डेटा स्पेसमुळे आजारचे उत्तम निदान होऊ शकते. याचबरोबर वैज्ञानिक संशोधनाला देखील चालना मिळेल, ज्यामुळे युरोपियन कंपन्यांना अधिक अनुरूप औषध, आरोग्य उपकरणे आणि सेवा तयार करता येतील. युरोपियन कमिशनने आरोग्य डेटाची सीमापार देवाणघेवाण सुलभ करण्यासाठी MyHealth@EU पायाभूत सुविधांची स्थापना केली आहे.

पोर्तुगाल आघाडीवर

गेल्या दोन वर्षांत, अनेक EU देशांनी त्यांच्या डिजिटल आरोग्य तंत्रज्ञानाच्या वापराला गती दिली आहे. या क्रांतीत पोर्तुगाल आघाडीवर आहे. "आज आमच्याकडे मोठ्या प्रमाणात क्लिनिकल डेटा आहे. हा डेटा फायदेशीर आहे", असे एसपीएमएसच्या संचालक मंडळाचे अध्यक्ष लुइस फिलिप गोस पिनहेरो यांनी सांगितले. पोर्तुगालने कागदी प्रिस्क्रिप्शन वापरणे जवळपास बंद केले आहे. आता, देशातील सुमारे 98 टक्के रुग्णालये रुग्णांना डिजिटल प्रिस्क्रिप्शन देतात.

येथे क्लिनिकल फाइल्स देखील ऑनलाइन संग्रहित केल्या जातात. रुग्ण त्यांच्या आरोग्याची माहिती वेबसाइट आणि स्मार्टफोन ऍप्लिकेशनद्वारे पाहू शकतात आणि वेळ पडल्यास डॉक्टरांशी देखील संपर्क साधू शकतात. यासाठी सरकारने अ‍ॅप विकसित केले आहे.

पोर्तुगीज व्यतिरिक्त, अ‍ॅपवर उत्तरे इंग्रजी आणि सांकेतिक भाषेत दिली जातात. 2022 च्या पहिल्या काही महिन्यांत 4.5 दशलक्षाहून अधिक पोर्तुगीज लोक यात जोडले गेले आहेत.

जर्मनीची डिजिटल आरोग्य सेवत प्रगती

जर्मनीमध्ये डीआयजीए नावाच्या अ‍ॅप प्रणालीसह डिजिटल आरोग्यामध्येही प्रगती सुरू आहे.
येथील डॉक्टर रुग्णांना त्यांचे आरोग्य अधिक चांगले ठेवण्यासाठी औषधांबरोबर अ‍ॅप्स वापरण्याची सूचना देतात. हे अ‍ॅप वापरकर्ते त्यांना त्यांच्या स्मार्टफोन, टॅबलेट किंवा संगणकावर डाउनलोड करू शकतात. अ‍ॅप्समध्ये कर्करोगापासून हृदय व रक्तवाहिन्यासंबंधी रोग, तीव्र मायग्रेन आणि नैराश्यापर्यंतच्या वैद्यकीय परिस्थितींच्या माहितीचा समावेश आहे.