Blast in Italy: उत्तर इटलीतील मिलानमधून एक मोठी घटना समोर आली आहे. मिलानच्या मध्यवर्ती भागात भीषण स्फोट झाला. या स्फोटात अनेक वाहने भस्मसात झाली. ब्रिटनमधील (Britain) एका स्थानिक माध्यमाने गुरुवारी याबाबत माहिती दिली.

व्हॅनला भीषण आग

इटालियन मीडियाने वृत्त दिले की, ऑक्सिजन टाक्या घेऊन जाणाऱ्या व्हॅनचा स्फोट झाला, ज्यामुळे परिसरातील नर्सरी स्कूल (School) आणि निवासी अपार्टमेंट तात्काळ खाली करण्यात आली आहेत. या घटनेत एक जण जखमी झाल्याचे वृत्त आहे.

स्फोटानंतर काळ्या धुराचे लोट दिसले

स्थानिक मीडियानुसार, मिलानच्या मध्यवर्ती भागात झालेल्या स्फोटामुळे मोठे नुकसान झाले आहे. दुसर्‍या स्थानिक वृत्तसंस्थेने वृत्त दिले की, अग्निशामक दले युद्धपातळी आग विझवण्याचा प्रयत्न करत आहेत. मात्र, धुरामुळे अनेकांना श्वास घेण्यास त्रास होत असल्याची माहिती समोर आली आहे.

सकाळी 11.45 च्या सुमारास मोठा स्फोट झाला

प्रसारमाध्यमांनी दिलेल्या माहितीनुसार, सकाळी 11.45 च्या सुमारास मोठा स्फोट झाल्याचे प्रत्यक्षदर्शींनी सांगितले.