North Korea: उत्तर कोरिया आणि जपानमध्ये दिवसेंदिवस तणाव वाढत आहे. उत्तर कोरिया आणि जपानमधला वाढता तणाव लक्षात घेऊन नवीन वर्षात किम जोंग यांनी बॅलस्टीक मिसाईल वाढवण्याचा निर्णय घेतल्याचे सांगितले जात आहे.

याआधी 30 डिसेंबरला उत्तर कोरियाने उत्तर पूर्व किनाऱ्यावर बॅलस्टिक मिसाईलची चाचणी केली होती. उत्तर कोरिया सातत्याने अशा चाचण्या घेत असते. ही मिसाईल कधी जपानमध्ये तर कधी दक्षिण कोरियामध्ये पडत असतात. दक्षिण कोरियाने मिसाईलचे परिक्षण केल्यानंतर उत्तर कोरिया सतर्क झाले आहे.

अमेरिका, जपान, दक्षिण कोरियाने चेतावनी दिल्यानंतरसुद्धा उत्तर कोरिया सतत मिसाईलची चाचणी करत असते. त्यामुळे नवीन वर्षात उत्तर कोरिया( North Korea) कोणती पाऊले उचलणार हे पाहणे महत्वाचे ठरणार आहे.