चीनमधील गुआंक्सी झुआंग स्वायत्त प्रदेशात एक प्रवासी विमान कोसळले. यावेळी विमानात 123 प्रवाशांसह एकूण 132 जण होते. या अपघातातील जीवितहानीबद्दल अद्याप अधिकृत माहिती जाहीर करण्यात आलेली नाही. (News of a major plane crash in China is coming to light. Which had about 133 passengers)

दरम्यान, चीनमध्ये (China) 133 जणांना घेऊन जाणारे प्रवासी जेट क्रॅश झाले आहे. त्यात अनेकांचा बळी गेल्याची भीतीही व्यक्त करण्यात येत आहे. राज्य प्रसारक सीसीटीव्हीने सोमवारी ही माहिती दिली. अपघातातील मृतांची संख्या आणि अपघाताचे कारण अद्याप समजू शकलेले नाही. सीसीटीव्हीनुसार - बोइंग 737 विमान गुआंग्शी प्रदेशातील वुझोउ शहराजवळील ग्रामीण भागात कोसळले असून डोंगरांच्या मध्यभागी आग लागली आहे. दरम्यान, घटनास्थळी बचाव पथके रवाना करण्यात आली आहेत.

जिनपिंग यांना धक्का

विमान अपघाताचे वृत्त समजताच आपल्याला धक्का बसल्याचे चीनचे अध्यक्ष शी जिनपिंग यांनी म्हटले आहे. या अपघाताची पूर्ण चौकशी करण्याचे आदेश त्यांनी दिले असून बचाव पथकांनाही सूचना केल्या आहेत. या अपघातामागील कारण तातडीने शोधण्याचे आणि हवाई वाहतूक क्षेत्रात प्रवाशांच्या सुरक्षेसाठी अधिक उपाययोजना करण्याचे आदेश त्यांनी दिले आहेत.