नासाच्या (NASA) जेम्स वेब स्पेस टेलिस्कोपने दूरच्या ग्रहावर पाण्याची चिन्हे ओळखली आहेत. तसेच, या दुर्बिणीने या उष्ण वातावरणातील वायूने ​​भरलेल्या ग्रहावरील ढग, धुके आढळल्याचे सांगितले आहे. जे हजारो प्रकाशवर्षे दूर असलेल्या सूर्यासारख्या ताऱ्याभोवती फिरत आहेत.

नासाने (NASA) म्हटले आहे की हे आतापर्यंतचे सर्वात वेगळे निरीक्षण आहे. या ग्रहाला WASP-96 b असे https://www.dainikgomantak.com/topic/nasaनाव देण्यात आले आहे. आपल्या सूर्यमालेबाहेरील आकाशगंगेतील 5000 पुष्टी झालेल्या ग्रहांपैकी (Planet) हा एक आहे. हे दक्षिण-आकाश नक्षत्र फिनिक्समध्ये आहे. सुमारे 1,150 प्रकाशवर्षे दूर हा वायूने ​​भरलेला ग्रह असुन ज्याचा आपल्या सौरमालेशी थेट संबंध नाही.

हा ग्रह गुरूच्या अर्धा वस्तुमान आहे. त्याचा व्यास गुरूपेक्षा 1.2 पट जास्त आहे. WASP-96 b हा सूर्याभोवती फिरणाऱ्या इतर कोणत्याही ग्रहापेक्षा जास्त मोठा आहे. त्याचे तापमान 538 अंश सेल्सिअसपेक्षा जास्त आहे. आणि ते खूप गरम आहे. WASP-96 b सूर्यासारख्या ताऱ्याच्या अगदी जवळ जात आहे. हे सूर्य (Sun) आणि मंगळाच्या अंतराच्या फक्त एक नवमांश आहे. नासाच्या म्हणण्यानुसार ते दर साडेतीन पृथ्वी दिवसांनी एक सर्किट पूर्ण करते. मोठा आकार, लहान परिभ्रमण मार्ग, फुगलेले वातावरण आणि भरपूर प्रकाश यामुळे WASP-96 b पर्यावरण निरीक्षणासाठी आदर्श आहे.

तर हबल स्पेस टेलिस्कोपने गेल्या दोन दशकांत आपल्या सूर्यमालेबाहेरील अनेक ग्रहांच्या वातावरणाचे निरीक्षण केले आहे. याने 2013 मध्ये प्रथम पाणी स्पष्टपणे शोधले होते. परंतु वेबचे अलीकडील तपशीलवार निरीक्षण हे पृथ्वीबाहेर राहण्यायोग्य ग्रहांच्या शोधातील एक मोठे पाऊल आहे. 21 जून रोजी, वेब टेलिस्कोपच्या नियर इन्फ्रारेड इमेजर आणि स्लिटलेस स्पेक्ट्रोग्राफ (NIRISS) ने WASP-96 प्रणालीमधून 6.4 तासांचा प्रकाश मोजला जेव्हा ग्रह ताऱ्यांमध्ये फिरत होता.