वॉशिंग्टन नेहमीसारखीच नासाने याहीवेळी एक मोहिम आखली असून यावेळी ते चंद्रावर पाऊल ठेवणार आहेत. नासा आपल्या आर्टेमिस कार्यक्रमांतर्गत अंतराळवीरांना चंद्रावर पाठवणार आहे. यासाठी नासाने 18 अंतराळवीरांची निवडही केली आहे. विशेष म्हणजे या 18 जणांमध्ये 9 महिलांचा समावेश करण्यात आला आहे.

दरम्यान, निवड करण्यात आलेले सर्व 18 अंतराळवीर 2024मध्ये आपली मोहिम घेऊन चंद्रावर जाणार आहेत. या निमित्ताने पहिल्यांदाच चंद्रावर एखादी महिला आपले पाऊल ठेवणार आहे. या मोहिमेसाठी निवड करण्यात आलेल्या नऊ महिलांची नावे अशी आहेत- केयला बेरन, कॅट रूबिन्स, क्रिस्तीना कुक, जेसिका मियर, एन्ने मेक्लेन, स्टेफनी विल्सन, निकोल मॅन, जेसिका वॉटकिन्स आणि जेज्मीन मोगबेली. याशिवाय या चांद्रमोहिमेसाठी निवडण्यात आलेल्या 18 अंतराळवीरांमध्ये 9 पुरूषांचाही समावेश अशून यात एका भारतीय वंशाच्या अंतराळवीराचेही नाव समोर आले आहे. राजा चोरी असे या अंतराळवीराचे नाव असून नासाचा हा चमू प्रशिक्षण पूर्ण केल्यावर 2024 मध्ये चंद्रावर जाण्यासाठी आपली मोहिम सुरू करणार आहे.