More than 100 dolphins have been found dead in the Brazilian Amazon in the past seven days due to a drought and rising water temperatures:

ऐतिहासिक दुष्काळ आणि पाण्याच्या वाढत्या तापमानामुळे गेल्या सात दिवसांत ब्राझिलियन अ‍ॅमेझॉन रेनफॉरेस्टमध्ये १०० हून अधिक डॉल्फिन मृतावस्थेत आढळून आले आहेत. ते सध्या सातत्याने १०२ अंश फॅरेनहाइट तापमान नोंदले जात आहे, असे वृत्त सीएनएनने दिले आहे.

ब्राझीलच्या विज्ञान मंत्रालयाने अर्थसहाय्यित संशोधन सुविधा असलेल्या ममिरौआ संस्थेच्या म्हणण्यानुसार, हे मृत डॉल्फिन टेफे सरोवरात सापडले आहे.

डॉलफिन्सचे मृत्यू असामान्य

ममिरौआ संस्थेने असे सुचवले की, तलावाचे विक्रमी तापमान आणि अ‍ॅमेझॉनमधील ऐतिहासिक दुष्काळ हे मृत्यूचे कारण असू शकते, तसेच इतक्या मोठ्या संख्येने डॉलफिन्सचे मृत्यू असामान्य घटना आहे.

जगातील सर्वात मोठा जलमार्ग, अ‍ॅमेझॉन नदी, सध्या कोरड्या हंगामात आहे आणि नदीतील अनेक प्रकारचे प्राणी देखील विक्रमी-उच्च तापमानाला सामोरे जात आहेत.

सीएनएनने वृत्त दिले आहे की, मानवी हस्तक्षेप आणि तीव्र दुष्काळामुळे या प्रदेशावर परिणाम होत आहत. या डॉलफिन्सच्या मृत्यूमुळे हवामान शास्त्रज्ञांच्या चिंतेत भर पडेली आहे.

दुष्काळ आणि तापमानाचा फटका

ममिरौआ संस्थेने म्हटले आहे की, "या गंभीर घटनेचे कारण निश्चित करणे अद्याप घाईचे ठरेल. परंतु आमच्या तज्ञांच्या मते, हा प्रकार निश्चितपणे दुष्काळी कालावधी आणि टेफे सरोवरातील उच्च तापमानामुळे घडला आहे."

तथापि, संशोधक आणि शास्त्रज्ञ जिवंत असलेल्या डॉल्फिन्सना बाहेरील सरोवर आणि तलावांमधून नदीच्या मुख्य भागावर हलवून वाचवण्याचा प्रयत्न करत आहेत, जेथे पाणी तुलनेने थंड आहे. याला जोडून, सीएनएनने वृत्त दिले की, परिसराच्या दुर्गमतेमुळे डॉनफिन्सना दुसरीकडे हलवण्याचे ऑपरेशन सोपे नाही.

आव्हान...

ममिरौआ इन्स्टिट्यूटचे संशोधक आंद्रे कोएल्हो यांनी सीएनएन ब्राझीलला सांगितले, "रिव्हर डॉल्फिनला इतर नद्यांमध्ये स्थानांतरित करणे तितकेसे सुरक्षित नाही कारण सोडण्यापूर्वी तेथे विष किंवा विषाणू आहेत की नाही हे तपासणे महत्त्वाचे आहे."

शिवाय, सुमारे 59 नगरपालिकांनी Amazonas राज्यातील पाण्याची पातळी सरासरीपेक्षा कमी नोंदवली आहे, ज्यामुळे नदीवरील वाहतूक आणि मासेमारी या दोन्ही क्रियाकलापांमध्ये अडथळा निर्माण होत आहे.

पुढच्या काही आठवड्यांत आणखी तीव्र दुष्काळ पडण्याची भीती अधिकाऱ्यांना आहे, ज्यामुळे आणखी डॉल्फिन्सचा मृत्यू होऊ शकतो.

शिवाय, अ‍ॅमेझॉन इज रिव्हरमधील प्राणघातक दुष्काळाचा अर्थव्यवस्थेवर आणखी परिणाम होत आहे.