Sudanese Migrant Ship Sank Off Tunisian Coast 13 Dead: ट्युनिशियामधून मोठी बातमी समोर येत आहे. येथील समुद्रकिनाऱ्यावर प्रवासी जहाज बुडाले. आतापर्यंत 13 मृतदेह बाहेर काढण्यात आले असून 27 बेपत्ता आहेत. मरण पावलेले सर्व सुदानचे आहेत. जहाजावर एकूण 42 लोक होते.
ट्युनिशियाच्या एका अधिकाऱ्याने गुरुवारी सांगितले की, बुधवारी स्फॅक्सहून (Sfax) निघालेले जहाज ट्युनिशियाच्या किनारपट्टीवर बुडाले. यामुळे सुदानमधील 13 प्रवाशांचा मृत्यू झाला. त्यांचे मृतदेह सापडले आहेत. 27 लोक अजूनही बेपत्ता आहेत. न्यायाधीश फरीद बेन झा यांनी सांगितले की, जहाजामध्ये 42 लोक होते, जे सर्व सुदानी होते. यातील दोन जणांना वाचवण्यात यश आले आहे.
आफ्रिकेतून इटलीला पोहोचण्याच्या आशेने प्रवाशांना घेऊन जाणारी जहाजे ट्युनिशियाच्या किनारपट्टीवर बुडण्याच्या घटना वारंवार घडत आहेत. 2023 मध्ये ट्युनिशियाच्या किनारपट्टीवर बुडलेल्या सुमारे 1,000 प्रवाशांचे मृतदेह बाहेर काढण्यात आले. अधिकाऱ्यांनी सांगितले की, हा आकडा इतर कोणत्याही वर्षांपेक्षा जास्त आहे. सीमा ओलांडण्याचा प्रयत्न करणाऱ्यांमध्ये ट्युनिशियन नागरिकांचाही समावेश आहे. इटलीला जाणाऱ्या बोटीतून गेल्या महिन्यात सुमारे 40 ट्युनिशियन स्थलांतरित बेपत्ता झाले होते.
सुमारे 10 महिन्यांपूर्वी सुदानमधील गृहयुद्धात 9 दशलक्ष लोकांना घरे सोडून पळून जावे लागले. त्यापैकी बहुतेकांनी देशाच्या सुरक्षित भागात किंवा शेजारच्या देशांमध्ये आश्रय घेतला आहे. गेल्या वर्षी एप्रिलमध्ये लष्कर आणि प्रतिस्पर्धी निमलष्करी दलांमध्ये संघर्ष सुरु झाला, त्यानंतर भारतासह अनेक देशांनी सुदानमध्ये अडकलेल्या आपल्या नागरिकांना बाहेर काढले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.