तालिबानने (Taliban) अफगाणिस्तानवर (Afghanistan) ताबा मिळवून तेथे कट्टरपंथी नियम लागू केले आहेत. त्यातच आता या नियमांचे उल्लंघन केल्याबद्दल लोकांना गोळ्या घातल्या जात आहेत. तालिबान राजवटीत संगीत ऐकणे किंवा आपल्या आवडीचे कपडे घालणे देखील प्रतिबंधित झाले आहे. आता नांगरहार प्रांतात (province of Nangarhar) तालिबानने 13 जणांची हत्या केल्याची बातमी समोर आली आहे. हे लोक लग्न समारंभासाठी आले होते. जिथे ते संगीत ऐकत होते. अफगाणिस्तानचे माजी उपराष्ट्रपती अमरुल्लाह सालेह (Amrullah Saleh) यांनी ट्विट करुन ही माहिती दिली आहे.

त्यांनी आपल्या ट्विटमध्ये म्हटले आहे की, 'लग्न समारंभात वाजणारे संगीत बंद करण्यासाठी तालिबानी सैनिकांनी नांगरहार प्रांतात 13 लोकांची हत्या केली आहे.' अमरुल्लाह सालेह म्हणाले, 'प्रतिकार ही देशाची गरज आहे' आणि केवळ टीका पुरेशी नाही (Music in Taliban Rule). ते पुढे म्हणाले, “आम्ही केवळ निषेध करुन आपला राग व्यक्त करु शकत नाही.” माजी उपराष्ट्रपती आणि स्वतःला अफगाणिस्तानचे कार्यवाहक अध्यक्ष म्हणवून घेणारे सालेह यांनी या कथित हत्याकांडासाठी पाकिस्तानला (Pakistan) जबाबदार धरले आहे.

या हत्याकांडासाठी पाकिस्तान जबाबदार

'पाकिस्तानने तालिबानला 25 वर्षे प्रशिक्षण देण्यात आले, जेणेकरुन अफगाणिस्तानची संस्कृती नष्ट व्हावी. तसेच इंटर-सर्व्हिसेस इंटेलिजन्स (ISI) च्या कट्टरतेला अफगाणिस्तानमध्ये वाव देण्यात यावा जेणेकरुन त्यांना आपल्या देशावर नियंत्रण ठेवता येईल. आता तेच काम चालू आहे. ही राजवट टिकणार नाही पण दुर्दैवाने, त्याच्या शेवटपर्यंत, अफगाण लोक त्याची किंमत चुकवत राहतील, असे सालेह यांनी आपल्या ट्विटरवरील संदेशात म्हटले आहे. सोशल मीडियावर (Taliban Strict Rules in Afghanistan) लोक सालेहला पाठिंबा देत आहेत. त्यांच्या पोस्टवर टिप्पणी करताना एका यूजर्सने म्हटले आहे की, ही घटना पूर्णपणे सत्य असून देशातील कोणत्याही स्वतंत्र मीडियाला त्याची माहिती नाही.