Kuwait Political Crisis: तेलसंपन्न आखाती देश कुवेतमध्ये नवे राजकीय संकट उभे राहिले आहे. कुवेतच्या अमीराने शुक्रवारी देशाची संसद बरखास्त केली. कुवेती प्रसारमाध्यमांनी दिलेल्या माहितीनुसार, संसद बरखास्त केल्यानंतर अमीराने काही सरकारी खात्यांचा ताबा आपल्या हाती घेतला. याशिवाय, अमीराने देशातील काही कायदेही मोडले आहेत. कुवेत न्यूज एजन्सी KUNA नुसार, अमीराने नॅशनल असेंब्ली बरखास्त करण्याचे आणि संविधानाच्या काही कलमांना चार वर्षांहून अधिक काळ निलंबित करण्याचे आदेश जारी केले आहेत. पुढे असे लिहिले की, अमीर शेख मेशाल अल अहमद अल जबर नॅशनल असेंब्ली घेत आहेत.

संसद का बरखास्त केली?

"देश सध्या कठीण काळातून जात आहे, ज्यामुळे देशाच्या हितांचं रक्षण करण्यासाठी कठोर निर्णय घ्यावे लागत आहेत," असे म्हणत अमीराने संसद विसर्जित करण्याची घोषणा केली. ते पुढे म्हणाले की, गेल्या काही वर्षांत सरकारी विभागांमध्ये भ्रष्टाचाराचं पेव फुटलं आहे, भ्रष्टाचारामुळे देशातील वातावरण बिघडत आहे. दुर्दैवाने, सुरक्षा आणि आर्थिक संस्थांमध्ये मोठ्याप्रमाणात भ्रष्टाचार आहे. तसेच, न्याय व्यवस्थेत भ्रष्टाचार वाढला आहे.

वर्षानुवर्षे सुरु असलेले राजकीय संकट

कुवेतला गेल्या काही वर्षांपासून देशांतर्गत राजकीय वादांनी वेढले आहे. या संकटात देशाची कल्याणकारी व्यवस्था ही एक प्रमुख समस्या असल्याचे सांगण्यात आले. सरकारला कर्ज घेण्यापासून रोखण्यातही आले आहे. यामुळे तेलसाठ्यातून प्रचंड नफा मिळत असला तरी सार्वजनिक क्षेत्रातील कर्मचाऱ्यांना पगार देण्यासाठी सरकारी तिजोरीत पैसा नाहीये. इतर अरब देशांप्रमाणे कुवेतमध्येही राजेशाही व्यवस्था आहे, परंतु येथील विधिमंडळ शेजारील देशांपेक्षा अधिक शक्तिशाली मानले जाते.