तालिबानने (Taliban) इस्लामिक स्टेट (IS) च्या अड्ड्यावर हल्ला केला आहे. तालिबानच्या प्रवक्त्याने दिलेल्या माहितीनुसार, तालिबान सैन्याने काबूलमध्ये (Kabul) इस्लामिक स्टेट (IS) चा अड्डा नष्ट केला आहे. तालिबानने सोमवारी सांगितले की, तालिबान सैन्याने अफगाणिस्तानची राजधानी काबूलमध्ये आयएसच्या स्थानांवर हल्ला केला आहे. काबूलमधील एका मशिदीबाहेर स्फोट झाल्यानंतर काही वेळातच तालिबान सैन्याने हल्ला केला आहे . या दरम्यान तालिबान्यांनी एक अड्डा नष्ट केला आहे. (Kabul Blast: Taliban Attacks on IS hideout)

काल अफगाणिस्तानची (Afghanistan) राजधानी काबूलमधील एका मशिदीच्या बागेत बॉम्ब स्फोट झाला होता, ज्यामध्ये किमान आठ जण ठार झाले होते. तालिबानच्या अंतर्गत मंत्रालयाच्या प्रवक्त्याने सांगितले की,. कारी सईद खोस्ती यांनी या मृत्यूंची पुष्टी केली आहे. सुरुवातीच्या अहवालात असे दिसून आले आहे की हा स्फोट रस्त्याच्या कडेला झाला आहे. तालिबानचे अधिकृत प्रवक्ते बिलाल करीमी यांनी सांगितले की, या प्रकरणात तीन संशयितांना अटक करण्यात आली आहे.

तालिबानने सोमवारी एका निवेदनात म्हटले आहे की, तालिबानने उत्तर काबूलमधील खैर खाना परिसरातील इस्लामिक स्टेट ऑपरेशन सेंटरवर कारवाई केली. मात्र या लष्करी कारवाईमध्ये आयएसचे किती दहशतवादी मारले गेले याबद्दल अधिक माहिती दिली गेली नाही

अफगाणिस्तानची राजधानी काबुलमधील मशिदीच्या प्रवेशद्वारावर रविवारी मोठा बॉम्बस्फोट झाला होता. सत्ताधारी तालिबानचे ) प्रवक्ते जबीउल्लाह मुजाहिद यांच्या आईच्या मृत्यूनंतर मशिदीत नमाज अदा केली जात असताना हा स्फोट झाला होता . या स्फोटाची जबाबदारी अद्याप कोणीही स्वीकारलेली नाही पण संशय आयएस या दहशतवादी संघटनेवर होता. आणि या हल्ल्याला उत्तर देण्यासाठीच तालिबानने हा हल्ला केला आहे.