आंतरराष्ट्रीय योगा दिनानिमित्त भारतासह जगातील अनेक देशात योगा दिन मोठ्या उत्साहात पार पडाला. या पार्श्वभूमीवर भारतीय उच्चायुक्ताकडून मालदिवची राजधानी माले येथे ही या कार्यक्रमाचे आयोजन करण्यात आले होते. हा कार्यक्रम सुरु होण्याआधी आंदोलकांनी योगा इस्लामच्या विरोधात असलेले पोस्टर झळकावले. व योगा कार्यक्रम जमावाने बंद पाडला. (International Yoga Day: Crowds close yoga program in Maldives )

माले येथे आंतरराष्ट्रीय योग दिनानिमित्त केंद्रीय युवा, क्रीडा आणि सामुदायिक सक्षमीकरण मंत्रालयाच्या संयुक्त विद्यमाने भारतीय सांस्कृतिक केंद्राने एका तासाचा कार्यक्रम आयोजित केला होता. मात्र कार्यक्रम सुरु होण्यापूर्वी जमावाने घुसखोरी करत गोंधळ घातला असल्याची माहिती समोर आली आहे. यावेळी आंदोलक हातामध्ये बॅनर घेऊन घोषणाबाजी केली. तसेच योग इस्लामविरोधी असल्याचं आंदोलनकर्त्यांनी म्हटले आहे.

यावेळी आंदोलकांनी आयोजित कार्यक्रम तात्काळ बंद करावा आणि मैदान रिकाम करावं अशी मागणी केली. तसेच काही प्रत्यक्षदर्शींनी सांगितले की. आपल्याला धमकावण्यात आले आहे. या कार्यक्रमास अनेक राजदूत, सरकारी अधिकारी आणि मालदीव सरकारचे मंत्री उपस्थित होते. यावेळीच आंदोलकांनी कार्यक्रमस्थळी तोडफोड देखील केली.