गेल्या काही दिवसांपूर्वी भारत सरकारने गहू निर्यात बंदीचा निर्णय घेतला आहे. मात्र या निर्णयामूळे बांगलादेशच्या अडचणीत वाढ झाली आहे. या अडचणीतून बाहेर पडण्यासाठी बांगलादेशने रशियाकडे मदतीचा हात मागितला आहे. भारताच्या गहू निर्यातीवरील निर्बंधांमुळे बांगलादेशला चढ्या भावाने गहू खरेदी करणे भाग पडले आहे. (Indian wheat export ban bangladesh looks to russia for cheaper wheat )

भारताच्या गव्हाच्या निर्यातीवरील बंदीमुळे शेजारील बांगलादेशसह अनेक देशांना अन्न संकटाचा सामना करावा लागत आहे. बांगलादेश पूर्वी भारताकडून आवश्यक असलेला गहू खरेदी करत असे परंतु आता बंदीमुळे त्यांना इतर पर्याय शोधावे लागत आहेत. बांगलादेशचे सरकारी आणि व्यावसायिक अधिकारी म्हणाले की बांगलादेश आता गव्हाचा पुरवठा सुरक्षित करण्यासाठी रशियाशी बोलत आहे.

रॉयटर्सने दिलेल्या वृत्तानुसार, बांगलादेश रशियाकडून गहू खरेदी करण्याचा प्रयत्न करत आहे. जेणेकरून इतर पर्यायांपेक्षा कमी किमतीत गहू मिळू शकेल."आम्ही सुरुवातीला रशियाकडून किमान दोन लाख टन गहू मागू," असे एका बांगलादेश च्या अधिकाऱ्याने नाव न सांगण्याच्या अटीवर रॉयटर्सला सांगितले. बांगलादेश सुमारे 7 दशलक्ष टन गहू आयात करतो आणि गेल्या वर्षी त्यातील दोन तृतीयांश पेक्षा जास्त गहू भारतातून आयात केला गेला होता.