दहशतवादी ओसामा बिन लादेनला (Osama bin Laden) संयुक्त राष्ट्रांमध्ये (UN) शहीद म्हटल्याबद्दल भारताने पुन्हा एकदा पाकिस्तानचे पंतप्रधान इम्रान खान (PM Imran Khan) यांना फटकारले आहे. संयुक्त राष्ट्रातील भारताचे स्थायी प्रतिनिधी टीएस तिरुमूर्ती म्हणाले आहेत की, पाकिस्तानने (Pakistan) सीमेवर दहशतवादाला प्रोत्साहन दिले आहे. 2008 चे मुंबई आणि 2016 मध्ये पठाणकोट येथे झालेले मोठे दहशतवादी हल्ले कधीही विसरु शतक नाही. पाकिस्तानी दहशतवाद्यांच्या कारनाम्यांची भारताला मोठी किंमत चुकवावी लागली आहे, असे ते यावेळी म्हणाले. दहशतवादासाठी किती मानवी किंमत मोजावी लागते याची भारताला पूर्ण पणे जाणीव आहे.

संयुक्त राष्ट्रातील भारताचे स्थायी प्रतिनिधी टीएस तिरुमूर्ती (TS Tirumurti) पुढे म्हणाले की, दहशतवादी हल्ल्यातील दोषींना न्याय देण्यासाठी भारत पूर्णपणे वचनबद्ध आहे. पाकिस्तानमधील दहशतवाद संपूर्ण जगाच्या शांतता आणि सुरक्षेला धोका आहे. टीएस तिरुमूर्ती म्हणाले की, 11 सप्टेंबरच्या हल्ल्यानंतर जवळपास 20 वर्षांनंतरही पाकिस्तानचे पंतप्रधान इम्रान खान ओसामा बिन लादेनचा शहीद म्हणून बचाव करत आहेत हे आपण विसरू नये. या दहशतवादी हल्ल्यांचा त्यांना आतापर्यंत कोणताही पश्चाताप झालेला नाही.

टीएस तिरुमूर्ती म्हणाले की, आम्ही आमच्या शेजारील देशात दहशतवादाचा धोका सतत उघड करत असतो. अफगाणिस्तानातील (Afghanistan) बदललेल्या राजकीय परिस्थितीमुळे सुरक्षे संबंधीत भीती देखील वाढली आहे. आज दहशतवादी आयसीटी, सोशल मीडिया, डिजिटल पेमेंट पद्धती, एनक्रिप्टेड मेसेजिंग सर्व्हिसेस, क्रिप्टोकरन्सी आणि मानवरहित विमान प्रणाली यासारख्या उदयोन्मुख तंत्रज्ञानाचा वापर करत आहे, ज्याचा वापर जगभरात केला जात आहे.