गतवर्षीप्रमाणे यावर्षीही जागतिक स्तरावरील मोठ्या कंपन्या आपल्या कर्मचाऱ्यांना कामावरुन काढत आहेत. तंत्रज्ञान क्षेत्रातील दिग्गज कंपनी IBM ने आता कर्मचारी कपातीची घोषणा केली आहे. सीएनबीसीच्या अहवालानुसार, कंपनी आपल्या मार्केटिंग आणि कम्युनिकेशन विभागातील कर्मचाऱ्यांना कामावरुन कमी करेल. आयबीएमने आर्टिफिशियल इंटेलिजन्स (एआय) वर आपले लक्ष केंद्रित करत असताना हा निर्णय घेतला आहे.
दरम्यान, कर्मचाऱ्यांची (Employees) संख्या कमी करण्याबाबतची माहिती आयबीएमचे मुख्य संपर्क अधिकारी (सीसीओ) जोनाथन अदाशेक यांनी कर्मचाऱ्यांसोबत 7 मिनिटांच्या बैठकीत दिली. तथापि, कपातीची घोषणा करताना, जोनाथन यांनी या कपातीअंतर्गत कंपनी किती कर्मचाऱ्यांना कामावरुन कमी करेल हे उघड केलेले नाही. यावर्षी जानेवारीमध्येच IBM ने सांगितले होते की, ते सुमारे 4,000 कर्मचाऱ्यांना कामावरुन काढून टाकत आहे.
टाळेबंदीचा मागोवा घेणारी वेबसाइट लेऑफ्सनुसार, यावर्षी 1 जानेवारी ते 13 मार्च दरम्यान, जगभरातील 204 कंपन्यांनी 49,978 हून अधिक कर्मचाऱ्यांना कामावरुन काढून टाकले आहे. यावर्षी टाळेबंदी करणाऱ्या या कंपन्यांमध्ये Cisco, Mozilla, Amazon आणि Indigo यासह इतर अनेक मोठ्या कंपन्यांची नावे आहेत. सिस्कोने 4,200 हून अधिक कर्मचाऱ्यांची कपात जाहीर केली आहे. स्नॅपने 500 नोकऱ्या कमी करण्याचा निर्णयही घेतला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.