Australia Census: ऑस्ट्रेलियामध्ये हिंदू आणि मुस्लिम धर्म मानणाऱ्यांची संख्या झपाट्याने वाढली आहे. ताज्या आकडेवारीनुसार, देशातील ख्रिश्चन लोकसंख्या 50 टक्क्यांपेक्षा कमी आहे. याशिवाय नास्तिकांची संख्या 39 टक्के असून गेल्या 5 वर्षांत 9 टक्क्यांनी वाढली आहे. ऑस्ट्रेलियामध्ये दर 5 वर्षांनी जनगणना केली जाते.

आकडेवारीनुसार, ऑस्ट्रेलियाची लोकसंख्या 25.55 दशलक्ष झाली आहे, जी 2016 मध्ये 2.34 दशलक्ष होती. अशाप्रकारे गेल्या 5 वर्षांत देशाची लोकसंख्या 21 लाखांनी वाढली आहे.

दरम्यान, ऑस्ट्रेलियामध्ये पहिल्यांदाच ख्रिश्चन (Christian) लोकसंख्येत 50 टक्क्यांनी घट झाली आहे. आता फक्त 44% ख्रिश्चन ऑस्ट्रेलियात राहिले आहेत. तर 50 वर्षांपूर्वी हा आकडा 90 टक्के होता. यानंतरही देशात ख्रिश्चन धर्म मानणाऱ्यांची संख्या सर्वाधिक आहे. यानंतर दुसऱ्या क्रमांकावर असलेले 39 टक्के लोक कोणत्याही धर्माला मानत नाहीत. ऑस्ट्रेलिया हा जगातील अशा देशांपैकी आहे, जिथे एकूण लोकसंख्येमध्ये नास्तिकांची टक्केवारी अधिक आहे.

हिंदू धर्म मानणाऱ्यांच्या लोकसंख्येमध्ये झपाट्याने वाढ

इतकचं नव्हे तर ऑस्ट्रेलियात (Australia) हिंदू (Hindu) आणि इस्लाम धर्मही वेगाने वाढताना दिसत आहेत. त्यानंतरही दोन्ही धर्मांचे पालन करणाऱ्यांची संख्या केवळ 3-3 टक्के आहे. परंतु गेल्या जनगणनेशी तुलना केल्यास दोन्ही धर्माची लोकसंख्या वाढत असल्याचे दिसून आले आहे. 2016 मध्ये ऑस्ट्रेलियामध्ये हिंदू लोकसंख्या (1.9%) आणि मुस्लिम लोकसंख्या (2.6%) होती. अशा प्रकारे ऑस्ट्रेलियात हिंदूंच्या संख्येत मोठी वाढ झाली आहे. याचे कारण भारतासह जगभरातून ऑस्ट्रेलियात स्थलांतरित होणाऱ्या हिंदूंची संख्या झपाट्याने वाढली आहे.