Pakistan Election 2024: हाफिज सईदचा राजकीय पक्ष पाकिस्तान मरकझी मुस्लिम लीग (PMML) ने 8 फेब्रुवारी 2024 रोजी पाकिस्तानमध्ये होणाऱ्या निवडणुकीत सहभागी होण्याची घोषणा केली आहे. पक्षाने सर्व संसदीय आणि राज्य विधानसभेच्या जागांवर आपले उमेदवार उभे करण्याचा निर्णय घेतला आहे. हाफिज सईदचा मुलगा तल्हा सईदही या निवडणुकीत नशीब आजमावणार आहे. तो नॅशनल असेंब्ली मतदारसंघ NA-127 लाहोरमधून निवडणूक लढवणार आहेत. दरम्यान, पीएमएमएलचे केंद्रीय अध्यक्ष खालिद मसूद सिंधू एनए-130 मधून पाकिस्तान मुस्लिम लीग-नवाझचे सुप्रीमो आणि माजी पंतप्रधान नवाझ शरीफ यांच्याविरुद्ध निवडणूक लढवणार आहेत. हाफिज सईदच्या या पक्षाचे निवडणूक चिन्ह 'खुर्ची' आहे.

पाकिस्तानातील सर्व जागांवर निवडणूक लढवण्याची घोषणा

PMML च्या प्रवक्त्याने डॉनला सांगितले की, त्यांच्या पक्षाने देशभरातील सर्व संसदीय जागा आणि प्रांतीय जागांसाठी उमेदवार उभे केले आहेत. आम्ही एकही जागा बिनविरोध सोडली नसल्याचा दावा ताबीश कय्युम यांनी केला. तथापि, संपर्क केल्यास त्यांचा पक्ष इतर पक्षांसोबत हातमिळवणी तयार असल्याचे त्यांचे म्हणणे आहे.

बंदीच्या आधी मिल्ली मुस्लिम लीग हे नाव होते

दरम्यान, PMML ने 2018 च्या सार्वत्रिक निवडणुकीत मिल्ली मुस्लिम लीग, बंदी घातलेल्या जमात-उद-दावाचा राजकीय चेहरा म्हणून भाग घेतला होता, परंतु कोणत्याही मतदारसंघातून आशादायक निकाल मिळवण्यात अयशस्वी झाले. सर्व उमेदवारांचे डिपॉझिटही जप्त झाले. आंतरराष्ट्रीय दबावाखाली पाकिस्तानने जमात-उद-दावा आणि त्याच्या राजकीय गट मिल्ली मुस्लिम लीगवर बंदी घातली तेव्हा त्याचे नाव बदलून पाकिस्तान मरकझी मुस्लिम लीग असे ठेवले.

अनेक पक्षांच्या नेत्यांनी निवडणूक लढवली

पाकिस्तान मरकझी मुस्लिम लीगचे प्रवक्ते कय्युम यांनी सांगितले की, त्यांच्या पक्षाचे वरिष्ठ उपाध्यक्ष फैसल नदीम NA-235 कराची, वित्त सचिव ए.आर. नक्वी पीपी-156 मधून, हाफिज अब्दुल रौफ एनए-119, खालिद नाईक गुजर पीपी-162 मधून, पंजाबचे सरचिटणीस मुझम्मील इक्बाल. हाश्मी एनए-77, गुजरानवाला येथून निवडणूक लढवत आहेत.