Guru Purnima 2023: गुरुपौर्णिमेच्या शुभ मुहूर्तावर अमेरिकेतील टेक्सास येथील अॅलन ईस्ट सेंटरमध्ये एक विशेष घटना घडली. 750 हून अधिक मंत्रोच्चारांनी भगवद्गीतेचे सामूहिक पठण करण्यासाठी सुमारे दहा हजार लोकांनी हजेरी लावली.

योग संगीता ट्रस्ट अमेरिका आणि SGS गीता फाऊंडेशन यांच्या संयुक्त विद्यमाने आयोजित केलेला हा भव्य भगवद्गीता पारायण यज्ञ अमेरिकेतील (America) पहिलाच होता.

दरम्यान, सोमवारी हरिद्वारमध्ये गुरुपौर्णिमा उत्साहात साजरी करण्यात आली. देश-विदेशातील लोक त्यांच्या गुरुंची पूजा करण्यासाठी आणि गंगेत पवित्र स्नान करण्यासाठी आखाडे आणि आश्रमात पोहोचले.

दुसरीकडे, पुराणांमध्ये आषाढ पौर्णिमेला विशेष महत्त्व आहे. या दिवशी वेदाचे रचयिते वेद व्यास यांचा जन्म झाला होता. हर की पौडी येथे अनेक भक्तांनी गंगेत स्नान केले, तर आश्रमांमध्ये गुरुंची पूजा करण्यासाठी मोठी गर्दी जमली होती.

यावेळी, आचार्य महामंडलेश्वर स्वामी अवधेशानंद गिरी यांनी सांगितले की, "आपल्या धर्मग्रंथानुसार गुरुचे स्थान सर्वोच्च मानले जाते. गुरु आणि शिष्याचे नाते सर्वात पवित्र मानले जाते. गुरुपौर्णिमा हा गुरुप्रती कृतज्ञता व्यक्त करण्याचा दिवस आहे.''