श्रीलंकेतील राजकीय आणि आर्थिक संकटाच्या पार्श्वभूमीवर देशातून पळ काढलेल्या गोटाबाया राजपक्षे (Gotabaya Rajapaksa) यांनी राष्ट्रपती पदाचा राजीनामा दिला. त्यानंतर आता सभापतींनी राजपक्षे यांचा राजीनामा स्वीकारला आहे. (Gotabaya Rajapaksa Resignation news)

यासोबतच सभापतींनी राजीनामा स्विकारल्यानंतर आता 7 दिवसांत नवीन राष्ट्रपतींची नियुक्ती केली जाईल, असेही जाहीर केले आहे. श्रीलंकेत सुरू असलेल्या गदारोळात स्पीकरच्या विधानाला खूप महत्त्व आहे. कारण गेल्या अनेक दिवसांपासून हजारो निदर्शक गोटाबाया यांच्या राजीनाम्याची आणि नवीन अध्यक्षाची नियुक्ती करण्याची मागणी करत होते.

गोटाबाया देशातुन पळून गेले होते
याआधी श्रीलंकेत आर्थिक संकट असताना लोकांच्या जमावाने राष्ट्रपती भवनावर कब्जा केला होता. याआधीही गोटाबाया राजपक्षे भूमिगत झाले. नंतर गोटाबाया मालदीवमध्ये पळून गेल्याचे सांगण्यात आले. मात्र राजकीय गोंधळामुळे त्यांना मालदीवमध्ये आश्रय देण्यात आला नाही, त्यानंतर ते येथून सिंगापूरला रवाना झाले. सिंगापूरला पोहोचल्यानंतर त्यांनी आपला राजीनामा स्पीकरकडे ई-मेलद्वारे पाठवला.