Google लवकरच टीव्ही प्लॅटफॉर्मवर मोफत टीव्ही चॅनेल आणण्याचा विचार करत आहे. Google TV हा एक Android आधारित स्मार्ट टीव्ही प्लॅटफॉर्म आहे, जो Chromecast वर चालतो आणि तो सोनी, TCL सह इतर स्मार्ट टीव्हींवरही चालू शकतो. Google TV यापूर्वीपासूनच अनेक स्ट्रिमिंग अ‍ॅप्स म्हणजेच Disney+ Hotstar, Netflix आणि अन्यअ‍ॅप्सनाही सपोर्ट करतो मात्र आता नवीन प्लॅननुसार Google TV लवकरच आपल्या युझर्सना मोफत टीव्ही चॅनेल पाहण्याची देखील भेट देण्याची शक्यता वर्तवली जात आहे.

Protocol च्या एका रिपोर्टनुसार Google फ्री आणि अ‍ॅड सपोर्ट असलेल्या स्ट्रिमिंग टेलिव्हिजन प्रोव्हाडर्सशी चर्चा करत आहे.आणि जर ही चर्चा यशस्वी झाली तर ही योजना लवकरच आम्लात येऊ शकेल. दरम्यान, येणाऱ्या काही दिवसांमध्ये Google TV वर हे चॅनेल्स लाँच केले जाऊ शकतात. कंपनी पुढील वर्षाच्या सुरूवातीला या अनोख्या आणि नव्या प्लॅटफॉर्मची घोषणा करण्याची शक्यता आहे.

गुगलच्या या नवीन फीचर्समुळे वापरकर्त्याना या चॅनेल्सद्वारे मेन्यू ब्राऊज करण्यासाठी एक निराळा लाईव्ह टीव्ही मेन्यू मिळणार आहे . स्मार्ट टीव्हीवर स्ट्रीमिंग चॅनेल्स ओव्हर द एअर प्रोग्रामिंगसोबत सादर केले जातात जे अ‍ॅन्टिनासोबत अ‍ॅक्सेस देखील केले जाऊ शकतात. यापूर्वी Roku नेदेखील अशाप्रकारचा एक प्लॅटफॉर्म लाँच केला होता. यावर 200 पेक्षा अधिक फ्री चॅनेल्स वापरण्यासाठी आहेत आणि याअगोदरच सॅमसंग आणि एलजीनं आपल्या प्लॅटफॉर्मवर फ्री स्ट्रिमिंग चॅनेल्स इंटिग्रेट केले आहेत.