Diwali 2023: दिवाळीच्या मुहुर्तावर पाकिस्तानातून भारतासाठी एक आनंदाची बातमी आली आहे. पाकिस्तानातील कराची तुरुंगातून सुटलेले 80 मच्छिमार रविवारी रेल्वेने गुजरातमधील वडोदरा येथे पोहोचले. एका अधिकाऱ्याने ही माहिती दिली.

अधिकाऱ्याने दिलेल्या माहितीनुसार, वडोदरातील या मच्छिमारांना दिवाळीनिमित्त त्यांच्या कुटुंबीयांना भेटण्यासाठी राज्याच्या गिर सोमनाथ जिल्ह्यातील वेरावळ येथे बसने नेण्यात आले.

दोन दिवसांपूर्वी सोडण्यात आले

अधिकृत माहितीनुसार, पाकिस्तानी अधिकाऱ्यांनी गुरुवारी मच्छिमारांची सुटका केली आणि दुसऱ्या दिवशी पंजाबमधील (Punjab) अटारी-वाघा सीमेवर गुजरातच्या मत्स्य विभागाच्या पथकाकडे सुपूर्द केले.

ही अटक 2020 मध्ये झाली होती

हे मच्छिमार गुजरातचा किनारा सोडून 2020 मध्ये मासेमारीसाठी पाकिस्तानच्या समुद्री सीमेत घुसले होते, त्यानंतर त्यांना पाकिस्तानी सुरक्षा दलाने पकडले होते.

गीर सोमनाथ जिल्ह्यातील 59 मच्छीमार

सुटका करण्यात आलेल्या 80 मच्छीमारांपैकी 59 गिर सोमनाथ जिल्ह्यातील, 15 देवभूमी द्वारका, दोन जामनगर आणि एक अमरेली येथील आहेत, तर तीन मच्छीमार केंद्रशासित प्रदेश दीवमधील आहेत.

सुमारे 200 मच्छीमार अजूनही पाकिस्तानच्या तुरुंगात आहेत

अधिकाऱ्यांनी सांगितले की, "हे सर्व मच्छिमार 2020 मध्ये पकडले गेले होते. सुमारे 200 मच्छीमार अजूनही पाकिस्तानच्या (Pakistan) विविध तुरुंगात बंद आहेत. सुटका करण्यात आलेले मच्छिमार त्यांच्या कुटुंबियांसोबत दिवाळी साजरी करु शकतील.'' या वर्षी मे आणि जूनमध्ये पाकिस्तान सरकारने सुमारे 400 भारतीय मच्छिमारांची सुटका केली होती.