स्पेस एक्स, टेस्ला कंपनीचे सीईओ एलन मस्क (SpaceX, Tesla CEO Elon Musk) यांनी तीन महिन्यांपूर्वी मायक्रो-ब्लॉगिंग कंपनी ट्विटरला (Micro blogging company Twitter) विकत घेतले. पण, त्यानंतर झालेल्या वादात मस्क यांनी ही डिल रद्द करत ट्विटर खरेदी करण्यास नकार दिला आहे. सध्या हे प्रकरण न्यायालयात गेले असून, एलन मस्क यांनी ट्विटरवर फसवणुकीचा (Cheating) आरोप केला आहे.

44 बिलियन डॉलर करारावर स्वाक्षरी केली तेव्हा ट्विटरने त्यांच्या व्यवसायाबद्दल दिशाभूल करणारी माहिती दिली, असा आरोप मस्क यांनी केला आहे. शुक्रवारी रात्री उशिरा मस्क यांनी हा आरोप केला.

मस्कने डेलावेअर कोर्टात हा दावा दाखल केला आहे. सोशल मीडिया प्लॅटफॉर्मवर प्रत्यक्षात जाहिराती दर्शविणाऱ्या वापरकर्त्यांची संख्या फर्मच्या 238 दशलक्ष पेक्षा सुमारे 65 दशलक्ष कमी आहे. असा आरोप करण्यात आला आहे. ट्विरच्या करारातून मुक्त करण्याची मागणी मस्क यांनी न्यायालयाकडे केली आहे. तसेच नुकसानभरपाईची देखील मागणी त्यांनी केली आहे. या वादामुळे ट्विटरचे भविष्य देखील अंधारातच आहे असे दिसतयं.

या नेटवर्कचा वापर हिंसा भडकवण्यासाठी केला जाऊ शकतो, असे मस्क यांनी म्हटले आहे. ट्विटरने मात्र मस्क यांचे युक्तिवाद खोडून काढले आहेत. अशा घटना अशक्य आणि वस्तुस्थितीच्या विरुद्ध असल्याचे ट्विटरने (Twitter) म्हटले आहे.