नेपाळमध्ये गुरुवारी भूकंपाचे धक्के जाणवले. भूकंपाची तीव्रता रिश्टर स्केलवर 4.3 एवढी असल्याचे सांगण्यात येत आहे. भूकंपाचा केंद्रबिंदू काठमांडूपासून 161 किमी अंतरावर असल्याचे सांगण्यात येत आहे. मात्र, अद्याप नुकसानीचे वृत्त नाही.

नेपाळमध्ये भूकंप अशा वेळी आला आहे, जेव्हा एक दिवस आधी अफगाणिस्तानमध्ये भूकंपाने हाहाकार माजवला होता. अफगाणिस्तानमध्ये बुधवारी झालेल्या भूकंपात किमान 1000 लोकांचा मृत्यू झाला आहे. दोन दशकांतील हा सर्वात भीषण भूकंप असल्याचे सांगण्यात येत आहे. भूकंपामुळे 1500 हून अधिक लोक जखमी झाले आहेत.