Dalai Lama: चीनला बौद्ध धर्म संपवायचा आहे. चीन बौद्ध धर्माला विष मानतो. चीनमधून बौद्ध धर्माला बाहेर काढण्यासाठी चीन पुरेपुर प्रयत्न करत आहे अशा प्रकारचे आरोप दलाई लामांनी चीनवर लावले आहेत.

दलाई लामांनी पद्मसंभव मुर्तीबाबत बोलताना म्हटले आहे की, मार्च महिन्यात चीनच्या कम्युनिस्ट पार्टीने ही मुर्ती तोडली होती. 2021 मध्ये अशा प्रकारची ही तिसरी घटना होती. बोधगयात आयोजित कार्यक्रमात दलाई लामा म्हणाले की चीनमध्ये बौद्ध मठ नष्ट केले गेले आहेत.

मंगोलिया आणि चीन ( China )च्या हिमालयीन ट्रान्स क्षेत्रात बौद्ध धर्माप्रति आस्ठा ठेवणारे अनेक लोक आहेत. चीन देशातून बौद्ध धर्माला नष्ट करण्याचे अनेक प्रयत्न करतो पण प्रत्येकवेळी अयशस्वी होतो.

चीनने बौद्ध धर्माचे अनेक मठ नष्ट केले आहेत. मात्र बौद्ध धर्माला मानणाऱ्यांची संख्या कमी होत नाही. तिथे आजही बौद्ध धर्माच्या अनुयायांची संख्या मोठ्या प्रमाणात आहे. दरम्यान, काही दिवसांपूर्वीच चीनमधून दलाई लामांची हेरगिरी करण्यासाठी महिला भारता ( India )त आल्याची माहीती समोर आली होती.