Nozima Husainova Story: इस्रायल आणि हमास यांच्यात मागील 14 दिवसांपासून घनघोर युद्ध सुरु आहे. जगाच्या विविध भागातून या युद्धाविरोधात आवाज उठवला जात आहे. जिथे काही देश इस्रायलच्या कारवाईचे समर्थन करत आहेत.

त्याचवेळी काही देश आणि संघटना विरोधही करत आहेत. या सगळ्यात सिटी बँकेतील एका महिला कर्मचाऱ्याची नोकरी गेली, आता तुम्हालाही प्रश्न पडला असेल की, त्या कर्मचाऱ्याचे नाव काय आणि तिची काय चूक होती, या महिला कर्मचाऱ्याचा इस्रायल-हमास युद्धाशी काय संबंध? तुम्ही अगदी बरोबर आहात.

त्या महिला कर्मचाऱ्याचा इस्रायल-हमास युद्धाशी काहीही संबंध नाही, पण तिची एक टिप्पणी तिच्या नोकरीसाठी आपत्ती ठरली, आता ती बेरोजगार झाली आहे.

सर्वप्रथम, त्या महिला कर्मचाऱ्याचे नाव काय आहे ते जाणून घेऊया, त्या कर्मचाऱ्याचे नाव 'नोझिमा हुसेनोवा' आहे आणि तिने X वर काय लिहिले आहे याबद्दल आम्ही पुढे सांगू.

नोझिमाने काय लिहिले

नोझिमा हुसेनोव्हाने सोशल मीडिया (Social Media) पोस्टवर लिहिले की, हिटलरला या लोकांपासून मुक्त व्हायचे होते, यात आश्चर्य नाही. आता तुम्हाला प्रश्न पडला असेल की, नोझिमा कोणत्या लोकांबद्दल बोलत होती.

नोझिमा त्या घटनेचा संदर्भ देत होती, ज्यात हिटलरने ज्यू समुदायाची लोकांची हत्या करण्याचे आदेश दिले होते. जेव्हा नोझिमाने अशी पोस्ट केली तेव्हा सोशल मीडियावर लोकांनी सिटी बँकेविरोधात संताप व्यक्त केला.

एका युजरने विचारले की, तुमच्या कर्मचार्‍यांचा (Employees) ज्यू समुदायाप्रती हा दृष्टिकोन आहे का? सोशल मीडियावर लोकांनी नोझिमाला टार्गेट करायला सुरुवात केल्यावर बँकही अॅक्शनमोड आली आणि आम्ही योग्य ती कारवाई करत आहोत, असे उत्तरात बॅंकेने लिहिले.

बँक अशा द्वेषयुक्त वक्तव्यांना समर्थन देत नाही. अशाप्रकारे सिटी बँकेने आपला हेतू स्पष्ट केला आणि नंतर नोझिमाला बाहेरचा रस्ता दाखवण्यात आल्याचे सांगितले.

सोशल मीडियावर धर्मविरोधी टिप्पणी करणाऱ्या महिला कर्मचाऱ्याला आम्ही काढून टाकले आहे. म्हणजेच त्यांनी ज्यू समुदयाविरोधात भाष्य केले होते.

दुसरीकडे, सिटी बँकेने आपल्या महिला कर्मचाऱ्याला बडतर्फ केल्यावर पुन्हा एकदा सोशल मीडियावर लोकांच्या प्रतिक्रियांचा महापूर आला. एका यूजरने म्हटले की, थँक्स सिटी नो टू सेमेटिझम. बँकेकडून एवढी जलद कारवाई अपेक्षित नव्हती, असे काहींनी लिहिले.

शाब्बास, आम्ही सर्वजण अशा जलद कारवाईचे कौतुक करतो. आणखी एका व्यक्तीने लिहिले की, ही चांगली बातमी आहे. कंपन्या आता अशा टिप्पण्यांवर त्वरीत कारवाई करत आहेत...