China Girl reached pakistan for love Dainik Gomantak
ग्लोबल

पबजी, फेसबुकनंतर आता स्नॅपचॅट! प्रेमासाठी आणखी एका महिलेने गाठले पाकिस्तान, धर्मांतर करून केला विवाह

आता एक चिनी महिला पाकिस्तानी प्रियकराला भेटण्यासाठी चीन सोडून खैबर पख्तूनख्वा प्रांतात पोहोचली आहे.

गोमन्तक डिजिटल टीम

अलिकडे पाकिस्तान आणि भारत या दोन्ही देशात घडणाऱ्या प्रेमकहाणी आणि त्यासाठी दुसऱ्या देशात पळून जाण्याचे प्रकार घडत आहेत. सीमा हैदर आणि अंजू यांच्यानंतर आता आणखी एक प्रेमकहाणी समोर आली आहे. पण यात भारत नव्हे तर चीन आणि पाकिस्तान यांचा समावेश आहे.

एक चिनी महिला पाकिस्तानी प्रियकराला भेटण्यासाठी चीनमधून खैबर पख्तूनख्वा प्रांतात पोहोचली आहे. या महिलेची सोशल मीडियावर मैत्री झाली आणि ते दोघे प्रेमात पडल्याचे सांगितले जात आहे.

गाओ फेंग असे या महिलेचे नाव आहे. गाओ बुधवारी चीनमधून गिलगिट मार्गे तीन महिन्यांच्या व्हिसावर इस्लामाबादला पोहोचली.

अफगाणिस्तानच्या सीमेला लागून असलेल्या बाजौर जिल्ह्यातील सुरक्षेच्या कारणामुळे जावेदने महिलेला त्याच्या गावी न जाता लोअर दीर ​​जिल्ह्यातील समरबाग तहसीलमध्ये मामाच्या घरी नेले. दोघे स्नॅपचॅटच्या माध्यमातून गेल्या तीन वर्षांपासून संपर्कात होते. त्यानंतर दोघांच्या या मैत्रीचे रुपांतर प्रेमात झाले.

चिनी महिला गाओ ने इस्लाम धर्म स्वीकारल्यानंतर बुधवारी जावेदशी लग्न केले. त्याचे नवीन नाव किसवा असे ठेवण्यात आले आहे.

'जावेद आणि गाओचे बुधवारी लग्न झाले आणि त्यानंतर ते इस्लामाबादला रवाना झाले. मात्र, मोहरम आणि सुरक्षेच्या कारणास्तव स्थानिक पोलीस आणि जिल्हा प्रशासनाने त्यांना उघड्यावर फिरण्यास मनाई केली आहे.' असे जावेदचा भाऊ इज्जतुल्ला याने एका पाकिस्तानी वृत्तपत्राला माहिती दिली आहे.

दरम्यान, जावेदने बाजौर महाविद्यालयात संगणक विज्ञानाचा अभ्यासक्रम करत असून, जावेद शिक्षण पूर्ण केल्यानंतर चीनला जाणार आहे. दरम्यान, गाओ काही दिवसांत चीनला परतणार आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa Live News: नो पार्किंगचा फलक काय कामाचा!

Thailand Cambodia Conflict: 32 ठार, 58 हजार स्थलांतरीत; थायलंड-कंबोडिया सीमेवरील तणाव, न्यूयॉर्कमध्ये बंद दाराआड बैठक

Quepem: भले मोठे झाड कोसळले, घराच्या 6 खोल्या जमीनदोस्त; केपेतील दुर्घटनेत मोठ्या प्रमाणात नुकसान

Goa Monsoon Flowers: 'सोनेरी हरणा, गुलाबी तेरडे, शुभ्र तुतारी'! श्रावणातील फुलांचा अवर्णनीय सोहळा

Khazan Farming: गोव्यातील शेकडो वर्षांपूर्वीची परंपरा धोक्यात! खारफुटींचे अतिक्रमण वाढले; खाजन शेती मरणासन्न

SCROLL FOR NEXT