ब्रिटनच्या (British) डेप्युटी ट्रेड कमिशनर रिआनन हॅरीस (Rhiannon Harries) यांनी ट्विटरवर आपल्या लग्नाचे फोटो शेअर केले करत भारता लग्न केल्याची माहिती दिली. मला भारतात आयुष्यभराचे प्रेम मिळेल आणि मी लग्न करेल, असे मला कधीच वाटले नव्हते म्हणत त्यांना हे फोटो शेअर केले आहे.

रिआनन हॅरीस यांनी एका भारतीय तरुणाशी लग्न केले आहे. मात्र फोटो शेअर करत असताना त्यांनी आपल्या पतिबद्दल फारशी माहिती दिलेली नाही. त्याच्या पोस्टवर अनेक प्रतिक्रिया येत असून लोकांनी त्याला शुभेच्छा दिल्या आहेत. रिआनन हॅरीस भारताची राजधानी दिल्ली येथे कार्यरत असून त्याच्या प्रोफाइलनुसार त्या समानता आणि हरित अर्थव्यवस्थेच्या समर्थक आहे. हा आयुष्यभराचा प्रवास करायला आवडणार असल्याचेही त्या म्हणाल्या आहेत.

रिआनन हॅरीस यांनी सांगितले की, "4 वर्षांपूर्वी मी अनेक आशा घेऊन भारतात आल होती.पण मला आयुष्यभराचे प्रेम (Love) इथे मिळेल असे वाटले नव्हते.भारत आता माझे घर झाले आहे याचा मला खूप आनंद होत आहे," असे म्हणत त्यांनी आपला आनंद सोशल मिडियावर शेअर केला.

'मला अतुल्य भारतात (India) मला आनंद मिळाला आहे. #IncredibleIndia तसेच #shaadi #livingbridge #pariwar' आपल्या लग्नाची बातमी देत आणि फोटो ट्विटरवर शेअर करत त्यांनी हा अतिशय भावनिक संदेश दिला आहे. आणि हॅशटॅग देखील वापरले आहेत.

युजर्सच्या शुभेच्छा

रिआनन हॅरीस यांच्या पोस्टवर युजर्स शुभेच्छा देत आहेत, एका यूजरने लिहिले, 'तुम्हा दोघांना वैवाहिक आयुष्याच्या खूप खूप शुभेच्छा.' त्याचवेळी, एका युजरने त्यांच्या पतीबद्दल विचारले आहे, परंतु त्यांनी अद्याप पतीबद्दल काहीही खुलासा केला नाही. आंध्र प्रदेश आणि तेलंगणासाठी ब्रिटनचे उपउच्चायुक्त अँड्र्यू फ्लेमिंग यांनी रिआनन हॅरीस यांच्या लग्नाबद्दल त्यांनी शुभेच्छा दिल्या. संपूर्ण ब्रिटिश उच्चायुक्तालयाच्या वतीने हॅरी आणि तिच्या पतीला खूप शुभेच्छा असे म्हणत त्यांनी हॅरीस यांचे अभिनंदन केले.