champagne Dainik Gomantak
ग्लोबल

कोसळणारा क्रिप्टो बाजार पाहता 2.5 दशलक्ष डॉलर्समध्ये खरेदी केली शॅम्पेनची बाटली

ढासळणारे स्टॉक एक्सचेंज आणि कोसळणारा क्रिप्टो बाजार पाहता, दोन इटालियन गुंतवणूकदारांनी वाईनच्या बाटल्यांमध्ये पैसे गुंतवण्याचा निर्णय घेतला

दैनिक गोमन्तक

ढासळणारे स्टॉक एक्सचेंज आणि कोसळणारा क्रिप्टो (Crypto Market) बाजार पाहता, दोन इटालियन गुंतवणूकदारांनी वाईनच्या बाटल्यांमध्ये पैसे गुंतवण्याचा निर्णय घेतला आहे. या लोकांनी शॅम्पेनच्या (champagne) बाटलीत गुंतवणूक केली आहे. या बाटलीला डिजिटल टोकन जोडलेले आहे. त्याची किंमत ऐकून तुम्हाला आश्चर्य वाटेल. वॉल स्ट्रीट जर्नलमध्ये प्रसिद्ध झालेल्या बातमीनुसार, या शॅम्पेनची एक बाटली 2.5 दशलक्ष डॉलर्समध्ये खरेदी करण्यात आली आहे.

या शॅम्पेनच्या बाटलीने इतिहासातील सर्वात महागड्या वाईनचा विक्रम मोडीत काढल्याचे बोलले जात आहे. इटलीतील दोन उद्योजक बंधू जिओव्हानी आणि पिएरो बुओनो यांनी गेल्या शुक्रवारी एका खाजगी विक्रीतून ही बाटली विकत घेतली.

वॉल स्ट्रीट जर्नलमध्ये प्रसिद्ध झालेल्या बातमीनुसार, बाटलीच्या आत असलेल्या शॅम्पेनमुळे तिची किंमत जास्त नाही. त्याऐवजी, त्याचे मूल्य डिजिटल टोकनमुळे आहे ज्याचे चित्र बाहेर छापलेले होते.हे दोन्ही इटालियन भाऊ फॅशनच्या जगाशी निगडीत आहेत. शॅम्पेनची बाटली विकत घेतल्यानंतर जिओव्हानी म्हणाले, "ती पिण्याचा माझा हेतू नाही, मला वाटते की ही चांगली गुंतवणूक असेल. गुंतवणुकीच्या जगात खूप गोंधळ आहे, भू-राजकीय गोष्टी खूप वेगाने बदलत आहेत. श्रीमंत लोक काही काळ त्यांचे पैसे साठवण्यासाठी जागा शोधत असतील. आणि ती गुंतवणूक म्हणजे शॅम्पेन असू शकते, असे मला वाटते."

वॉल स्ट्रीट जर्नलच्या मते, शॅम्पेन बाटली विशेषज्ञ आणि विक्रेता शम्मी शिन्ह यांनी आतापर्यंत विकल्या गेलेल्या सर्वात महाग शॅम्पेनचा मागील विक्रमाचा दावा केला आहे. एका प्रेस रिलीझनुसार, त्याचे 19-कॅरेट हिरे जडलेले "Goet de Diamantas" शॅम्पेन 2013 मध्ये $1.9 दशलक्षमध्ये विकले गेले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Dance Viral Video: माझ्या डोईवरी भरली घागर रे... कोकणातल्या पोरांचा डान्स पाहून तुम्हीही म्हणाल, 'एक नंबर...'

Vice President Candidate: ठरलं! एनडीए’चे उपराष्ट्रपतीपदाचे उमेदवार म्हणून सी.पी. राधाकृष्णन यांच्या नावाची घोषणा

America Firing: गोळीबाराने हादरले 'न्यूयॉर्क'! नाइट क्लबमध्ये बेछूट गोळीबार, 3 ठार, 8 जखमी

Goa Film Festival 2025: ज्येष्ठ अभिनेत्री वर्षा उसगावकर जीवनगौरव पुरस्काराने सन्मानित, ‘जुझे’ ठरला सर्वाधिक पुरस्कार विजेता चित्रपट

'...नाहीतर देशाची माफी मागा’, राहुल गांधींच्या आरोपांवर मुख्य निवडणूक आयुक्तांचे थेट प्रत्युत्तर; दिली 7 दिवसांची मुदत

SCROLL FOR NEXT