Bangladesh Accident: बांगलादेशात रविवारी भरधाव बस दरीत कोसळून 17 जण ठार तर 30 जण जखमी झाले. पोलिसांनी दिलेल्या माहितीनुसार, सकाळी 7.30 च्या सुमारास मदारीपूरमधील एक्स्प्रेस वेवर इमाद ट्रान्सपोर्टच्या ढाकाला जाणार्‍या बसचा अपघात झाला.

पोलिसांनी दिलेल्या माहितीनुसार, या अपघातातील मृतांचा आकडा वाढू शकतो, कारण अनेक जखमींची प्रकृती गंभीर आहे.

जखमींना वेगवेगळ्या रुग्णालयात दाखल करण्यात आले आहे. बसमधील बिघाडामुळे हा अपघात झाल्याचे समजते. बसचे चाक फुटले आणि चालकाचे वाहनावरील नियंत्रण सुटले, त्यामुळे बस खड्ड्यात पडली. असे अग्निशमन दलाच्या वतीने सांगण्यात आले आहे.

अग्निशमन सेवेच्या तीन तुकड्या घटनास्थळी मदत आणि बचावकार्य करत आहेत. अपघातात मृत आणि जखमी झालेल्यांची ओळख अद्याप पटलेली नाही. त्याचवेळी शोनाडांगा बस स्थानकाचे अधिकारी मोहम्मद सबुज खान यांनी सांगितले की, बसमध्ये 43 हून अधिक प्रवासी होते. हा अपघात ढाकापासून सुमारे 80 किमी अंतरावर झाला आणि बस 30 फूट दरीत कोसळली.

सकाळी 8:15 पर्यंत, बस चालकासह 14 मृतांना ढिगाऱ्यातून बाहेर काढण्यात आले आणि इतर दोघांचा रुग्णालयात नेत असताना मृत्यू झाला.

अपघातात मृत्युमुखी पडलेल्यांना सरकारकडून 25 हजार तर जखमींना प्रत्येकी 5 हजार रुपये देण्यात येणार आहेत. टाकाला बांगलादेशी रुपया म्हणतात. डेली स्टारने दिलेल्या वृत्तानुसार, ही बस तीन महिन्यांपासून कोणत्याही परवानगीशिवाय धावत होती.

बांगलादेश रोड ट्रान्सपोर्ट अथॉरिटी (बीआरटीए) च्या सूत्रांनी दिलेल्या माहितीनुसार, या वर्षी जानेवारीमध्ये बसच्या फिटनेस क्लिअरन्सची मुदत संपली होती. बसला वैध मार्ग परमिट आणि कर टोकन होते. दरम्यान, या अपघातामागे अतिवेग हे एक कारण असल्याचा संशय महामार्ग पोलिसांनी व्यक्त केला आहे.

बांगलादेशमध्ये जुनी आणि खराब देखभाल केलेली वाहने आणि खराब रस्त्यांमुळे रस्ते अपघात होतात. दक्षिण आशियाई देशात सर्वात वाईट रस्ते अपघाताचा रेकॉर्ड असलेल्या देशांपैकी एक आहे.