Gun Shooting in New Mexico US Kills 3: अमेरिकेत पुन्हा एकदा गोळीबाराची घटना समोर आली आहे. न्यू मेक्सिकोमधील फार्मिंग्टन येथे झालेल्या बेछुट गोळीबारात तीन जणांचा मृत्यू झाला असून अनेक जण जखमी झाले आहेत. एपी वृत्तसंस्थेने पोलिसांनी दिलेल्या माहितीनुसार गोळीबारातील संशयित जागीच ठार झाला.

मिळालेल्या माहितीनुसार, अमेरिकेतील न्यू मॅक्सिको शहरातील फार्मिंग्टन परिसरात अनेक लोक सकाळी मॉर्निक वॉकसाठी बाहेर पडले होते. त्यावेळी समोरून येत असलेल्या एका 18 वर्षीय हल्लेखोराने अचानक बेछूट गोळीबार सुरु केली.

आरोपीने केलेल्या गोळीबारात तीन लोकांचा घटनास्थळीच मृत्यू झाला, तर दोन पोलीस अधिकाऱ्यांसह आठ जण जखमी झाले आहे. त्यानंतर घटनेची माहिती मिळताच वरिष्ठ पोलीस अधिकाऱ्यांनी सशस्त्र जवानांसह घटनास्थळी धाव घेतली. त्यानंतर पोलिसांनी गोळीबार करणाऱ्या आरोपीला गोळ्या घालून घटनास्थळीच ठार केले आहे.

काही दिवसांपूर्वीच अमेरिकेतील फ्लोरिडा शहरात झालेल्या गोळीबारात दहा लोकांचा मृत्यू झाला होता. याशिवाय न्यूयॉर्क तसेच न्यू जर्सी या शहरांमध्ये देखील गोळीबार झाल्याच्या घटना समोर आल्या होत्या.

त्यानंतर आता न्यू मॅक्सिको शहरात झालेल्या गोळीबारात तीन लोकांचा मृत्यू झाला आहे. त्यामुळे आता अमेरिकेत सतत होत असलेल्या गोळीबाराच्या घटनेमुळे संताप व्यक्त केला जात आहे.