चीनच्या वुहानमधील शास्त्रज्ञांनी आता नवीन कोरोनाच्या 'NeoCoV' या व्हेरिएंटबद्दल भीतीदायक बातमी दिली आहे. 2019 मध्ये वुहानमधूनच कोरोनाचा प्रसार जगभर झाला होता. आता तेथीलच शास्त्रज्ञांनी दावा केला आहे की, दक्षिण आफ्रिकेत (South Africa) कोरोना विषाणूचा (Corona Virus) एक नवीन व्हेरिएंट 'निओकोव्ह' (NeoCoV) आढळला आहे. त्याचा संसर्ग आणि मृत्यूचं प्रमाण खूप जास्त आहे. यामुळे संक्रमित झालेल्या प्रत्येक तीनपैकी एकाचा मृत्यू होऊ शकतो. (A NeoCoV Variant Of The Corona Virus Has Been Found In South Africa)

दरम्यान, वुहानच्या (Wuhan) वैज्ञानिकांचा हा दावा स्पुतनिक या रशियन वृत्तसंस्थेने प्रसिद्ध केला आहे. कोरोनाच्या भीतीने संपूर्ण जग आधीच भीतीच्या सावटाखाली आहे. त्याचे ओमिक्रॉन आणि डेल्टा व्हेरिएंट अधिक घातक ठरत आहेत. अशा स्थितीत 'निओकोव्ह' चिंता वाढवू शकतो. निओकोव्ह विषाणू नवीन नाही, असेही अहवालात म्हटले आहे. हा MERS-CoV विषाणू MERS-CoV विषाणूशी संबंधित आहे. 2012 मध्ये ते मध्य पूर्वेकडील देशांमध्ये सापडला आहे. हे SARS Cove 2 सारखेच आहे, जिथून कोरोना विषाणू मानवांमध्ये पसरला होता.

दक्षिण आफ्रिकेच्या वटवाघळांमध्ये आढळला

दक्षिण आफ्रिकेतील वटवाघळांमध्ये NeoCov विषाणू आढळून आला आहे, तो सध्या फक्त याच पक्ष्यांमध्ये पसरतो. परंतु 'BioRxiv' वेबसाइटवर प्रीप्रिंट म्हणून प्रकाशित झालेल्या अहवालात दावा केला आहे की, तो आणि त्याचे जवळचे स्वरुप PDF-2180-Cov (PDF-2180-) CoV) मानवांना देखील संक्रमित करु शकतो. वुहान युनिव्हर्सिटी आणि चायनीज ऍकॅडमी ऑफ सायन्सेस, इन्स्टिट्यूट ऑफ बायोफिजिक्सचे शास्त्रज्ञ म्हणतात की, NeoCoV च्या फक्त एका उत्परिवर्तनाने, ते मानवी पेशींमध्ये पसरण्यास सुरवात करेल. चिनी संशोधकांच्या मते, NeoCoV मध्ये उच्च संसर्ग दर गाठण्याची क्षमता आहे. आणि प्रत्येक तीन संक्रमितांपैकी एकाचा मृत्यू होऊ शकतो.